Photos from L-Ray’s public profile

Hla a ngah lo, hun rei tak a reh tawh, milar tia han sawi tur ni lo mahse vawiina Zaithiam profile chu L-Ray. L-Ray a hlate hi ka ngaihthlak fo thin avangin share chhawn a tha ka ti a. LPS Demand Channel lama a music video ka hmuh tirhin nuihzat enin ka en a, kum tamtak hnuah a hla ngai bawk ka ngaithla nasa leh em em a, tun hnua heti khawpa ka ngaihthlak zin hi ka ring ngai lo. Tunah chuan a hla tlemte hmuh theihte hi ka ngaihthla chhuak vek tawh.

2006 vel khan LPS Demand Channel a lar laiin Mapuia Zephyr nen fiamthu deuh reuh Nge Mo music video an release a, an larpui ngang mai. Bialnu a neih phah an ti nghe nghe (mi sawi, tak tak ni mo). A music video a hmuhnawmin a hla pawh ngaihthlak a nuam. Tunlai internet tlanglawn hnuah chhuah phei se chu an larpui lehzual ang.

A hla dang ka ngaihthlak zin zualte chu Duhaisam, Boihte, Hnual Duh Tawh Suh. He post ka ziah laia ka hmuhchhuah Kir An Rel Lo erawh hi chu ka ngaina vak rih lo.

L-Ray a hlate hi a tira nalh tih nghal mai loh chi hlate an ni berin ka hria. He hla chu rin aiin a nalh tih ang chi hlate an ni ber mai. Ama style bik a nei a, a hlate ngaihthlak nuam ti tan chuan a hlate hi an hriat hran khawp mai. Hla a release lohna erawh kum tam a ni tawh a, heng hlate hi a kutchhuak awmchhunte an nih theihna chen a awm.

In lo ngaihthlak ve atan Mp3 Format a download theih turin zip file a upload a ni e.

L-Ray:
– Facebook
– Reverbnation

Music Video tawi: Ka In Puanna

2003: A hun lai ngaihtuah chuan a nalh lohna a awm chuang lo :)

L-Ray erawh chuan a hlui tawh a ti ve ngang a niang

Hahaha a tha vek e. He music video pawh hi a hun lai ti ngaihawm tu a ni ve a, comments atangin midangin nalh pawh an lo tihpui ve zel bawk e. Tak tak chuan he hla hi a nalh reuh alawm.

L-Ray Hlate

1. Boihte
2. Christmas Day
3. Duhaisam
4. Hnual Duh Tawh Suh
5. Ka In Puanna
6. Ka Mawi Si Lo
7. Kir An Rel Lo
8. Nge Mo (Original Friendship) Feat Mapuia Zephyr

L-Ray Hlate Download: Mp3 DOWNLOAD (30.5 MB)

♠ Download Link 1
♠ Download Link 2