Last Updated on October 25, 2019
Chepakaiah – Joy Zairemmawia
Thulakna: Lunglen Magazine August 2012, posted @ Sakeibaknei
Artist: Joy Zairemmawia
1986
A piang fe tawh! A pian kum chu sawi duh lem lo mahse a thlalak kan phawrh chhuah hian a hril mai awm e. An unau panga zinga a upa ber a ni a. Darlawnah a piang a, Hermawia Kawlni leh VL Biaki te fa a ni.
1988
Naupang harh ve thei tak chu a ni. Hemi kum bawr velah hian stool-a dingin Sunday sikul velah an solo tir al al zel. Mahse, a zahzumna avangin zai a chawlhsan! Zakzum si, harh ve tak ni si chu a inhmeh vak lo mai thei; mahse, naupang dangte aiin a ke hi a paw ve thei hie.
1989
Class VII a zir ve tawh.
Tlangval tia sawi theih ni chiah tawh lo mah se, a puitling ve uaih tawh. Mak tak maiin, kan zaithiam tam takte ang lo takin Joy-a hi a tleirawl chhoh tirh velah a zai ngai miah lo thung.
Naupang sunday sikul-a a zai ve zauh tih loh chu kum 1990 hnu lamah, chutah pawh a college kal hnuah a zai ve leh chauh nia.
1996
Darlawn atangin Aizawl lamah an chhung an pem thla a. Hetah hi chuan a zai chho ve tan ta tak tak a, kum 1994 atangin mipui hmaah a zai ve tak tak. Chu pawh college level velah a ni. Mahse, zai lam aiin drama chan lamah a ti thei zawk a, a tui zawk bawk.
2006
Icon thlan hma hret a ni. Hetah hian Mizoram pum huapa zaithiam hriat lar a la ni phak lo. Music video chu a unau pathum te’n hla pakhat an siam ve a. Kohhran thalai lamah zai lama inhmang tho siin, an Branch aiawha drama-a a changtu ber a ni thin zawk mah.
2012
Tlangval a ni tawh lova, pa a ni tawh! A puitling tur chu a puitling vek tawh a ni ber. Youth Icon-ah pakhatna ni zo lo mah se, mi hriat a hlawh em em a. Kum 2009 khan a album hmasaber leh a la neih chhun “Kros Kawng’ chu a ti chhuak ve. Chu chauh chu album tihchhuah a la nei a, music video erawh a nei ve nual a, various artist tih ang zawng pawhin lanna a nei nawk mai.
Thulakna: Lunglen Magazine August 2012, posted @ Sakeibaknei