Pictures – Thlalak
Photos from Robert Lalduhzuala public profile
A hla hit Rinawmna hmangin Robert Lalduhzuala hian Zoram mipuite zingah hriat a rawn hlawh tan a. Thawk khat lai khan a hun laia Lengzem a zaithiam berte pahnih Joseph Zaihmingthanga leh Vanlalsailova nen inkawpin Super Trio an din a, Lengzem hla sain an lar hle bawk.
Tunah chuan Super Trio a member dangte nen piangtharna changin Gospel hla a sa chhunzawm ta zawk a ni.
Find Robert Lalduhzuala at:
– Facebook
– Reverbnation
Chepakaiah – Robert Lalduhzuala
Lungleng Magazine August, 2013
1985 – Aizawl Civil Hospital hian nau duhawm tak tak a lo hring chhuak tawh a, chu’ng zinga sawi tel loh theih loh a ni ang. Unau pali zinga a naupang ber dawttu niin an zingah a chum fal bik hie.
1987 – Naupan laia Jeep hmaa thlalak nei pha chin ngat kha ni mah se atan chuan motor satliah ve mai a la ni. Sande sikul kai rual chu a ni ve tawhin a nu leh pate’n thuam an bel ang ang kha a hak a la ngai si.
1996 – Zai thiam tia hriat a la ni lova, mipui hmaah a la solo zen zen lo. Zai aiin silai kah lam a rawn tuipui chho a, NCC a inhmang chhoin Corporal rank a thleng ve hial. A bak khawvel dang vak a la nei lo.
2003 – Hemi kum hian a solo album hmasa ber – Damlai Thlan Thim a ti chhuak a. Zo rimawi khawvel sawi nghing lawih khawpin Super Trio an din, a album tlangzarhnaah ‘Sakhmelmawi’ tih hla an sa ho nghe nghe.
2006 – Kum 2004 khan siamthar lehna a chang a, hemi kumah vek hian a gospel solo album ‘Hnehna Hla Thar’ a ti chhuak nghal a. Chumi hnu kum 2005-ah Super Trio angin Krismas album ‘Ka Tan Lawmna’ an ti chhuak a. Kum
2006-ah Gospel United din lehin a phusa ber pawlah a tang.
2013 – Tunah chuan tlangval ‘senior’ hri vei tan tawhin, a chhungte pawhin nupui nei turin an kar an kar ve tawh ang! KTP, Ramthar North Branch ah Assistant Secretary nilai mek a ni a, Bial KTP-ah pawh hruaitu zinga tel pha chin ngat kha a ni tawh.
Thulakna: Robert Lalduhzuala Facebook – April 14, 2015
Zanin chu kan mut theih loh tlat chu le….. Thil tam tak ka ngaihtuah ta….. A sawt maw, sawt lo maw…..
A chang chuan hun hi a hlimawm em em a… A changin a hreawm fo bawk… Mahse zan a thim reng lova.. Ni chhuak eng mawi tak a lo lang leh fo thin…
Nun tak leh Nun nghet a pawimawh fova… Ka duh ber leh ka tum ber a ni chung hian Chutah chuan ka ding chiah em tih hi ka in enlet ve fe hi a ngai thin bawk si…
I Lal duhdan anga i in pek pumhlum dawn apiangin lehlam pa hian tan ala ve nasa viau thin tih te hi nangmah ngei pawh hian i hmu nawn awn awn fo thin a ni lawm ni….
Hun tha a in her liam vek a maw kan tih hnu hian… A aia tha zawk hi a lo la inherchhuak leh thei fo a nia… Beisei phawt ang… Aww i beisei loh chuan engtinge i tawn theih teh lul ang le…. Beiseina i neih chhung chuan hmalam i la pan thei e….
Insit ngai suh, I tha tawk… Inringhlel suh, I rinawm tawk.. Nang aia tha bik tunge awm chuang ang? A duhtaka a siam che i ni e… Tunge ngainep thei ngawt ang che? Nangmah siamtu a ngainep a ni ngawt dawn a sin…
Robert Lalduhzual…. Tin, ka thian duhtak nang pawh….. I lam a tang Lalpa a ni a, i mamawh a hria e, a thlahthlam hauh lovang che.
Music
Gospel
1. Robert Lalduhzuala – Kraws Kawng
2. Robert Lalduhzuala – Lalpa Ka Lo Kir E
[/x_audio_embed]
Lengzem
1. Robert Lalduhzuala – Nuimawi Nang Nen (Valzotea Hlate)
2. Robert Lalduhzuala – Rinawmna
[/x_audio_embed]