Lalsangzuali Sailo [Zaithiam]

Hming: Lalsangzuali Sailo (Zualbawihi)
Date of Birth: May 15, 1949
Pianna: Thingsai, South Mizoram
Pa Hming: Vanchhuma Sailo
Nu Hming: Sapthangi
Unau zat: 11. Mipa 7, Hmeichhia 3

Boral Ni: October 14, 2006
Kum: 57
A Chhan: Aneurysm
Location: Greenwood Hospital, Bawngkawn

Lalsangzuali Sailo hi unau 11 zinga upa ber niin Thingsai khuaah 1949 khan a piang a.

Mizo zaithiam zinga hriat hlawh ber pawl niin zai a thiam bakah hla phuah a thiam a, lehkhaziah a thiam a, vantlang tan a inhmang nasa em em bawk a. Thangtharte chuan hre chiang vak lo mahse Mizoram tan music leh thuziak lama a hnathawh avangin kum upa deuhte chuan an hlut hle.

Lalsangzuali Sailo hian hla chi hran (lengzem, lenglawng, gospel, etc) 450 chuang a record tawh a, a sam sei a larpui bawka a sei laiin feet 7.1 hial a ni, inches 91 (feet 7.58) ti pawh an awm.

Kum 57 niin a boral a, a damchhung rei lo mahse Mizo hmasawnna atan a thawk hlawk hle.

Ka naupan lai atang tawhin kumthar boruak velah Lalsangzuali Sailo hla kan chhuah ziah a, ka hrechhuak ngei ngei.

Chhungkua

Laldinliana nen June 27, 1978 Misison vengah an innei a fa pathum an nei. Jonathan Zaithanmawia (April 22, 1979), Benjamin Zaithantluanga (October 5, 1981) leh Marina Lalpekkimi (September 16, 1986).

Hla Phuah

Hla 365 meuh a phuah tawh a. A hlate hi chi hran hran niin naupang hla atanga khawhar hlate leh ruihhlo veina hlate thlengin a phuah vek. A hla tamtak hi Mizoram sikula zirlai syllabus-ah telh an ni nasa hle.

Thuziak

Lalsangzuali Sailo hian lehkhabu 25 leh lehkhabu te 3 a ziak tawh a magazine leh a dang dang tan thuziak 400 chuang a buatsaih sak tawh bawk. A thuziak thenkhatte chu chawisan an ni nasa a Mizorama lehkhaziak thiamte zinga ngaih a ni nghe nghe. A khat tawkin lemchan drama AIR program tan a ziaka, Mizo Literature tan review leh endikna a tihsak thin bawk.

Heng lehkhabu 3 a ziahte hi Book of the Year nomination an dawng pha:

Thuthlungthar Hmeichhiate – 1991
Sakhming Chul Lo – 1995
Ka Hring Lamtluang (Autobiography) – 2004

British hnuia tlawm duh lova Chitagong jail-a boral ta Sailo lalnu Ropuiliani biography a ziahna lehkhabu Tlawm Ve Lo Lalnu Ropuiliani chuan 1999 Book of the Year award a dawnga, khami kuma lehkhabu 174 zingah tha bera thlan a ni.

Government of India atangin Padma Shri award Literature-ah April 12, 1998 khan President K.R. Narayanan chuan Rastrapati Bhavan-ah a hlan.

Lehkhabu Ziahte

1997-2007 chhungin lehkhabu 26 a ziak hman.

Lehkhabu Hming – Publish Kum – Copy Zat

Hla Bu – 1977 ⊕ Copy 1000
Famngai Hnemtu – 1984 ⊕ Copy 1000
Song Book Vol-I (script nen) – 1984 ⊕ Copy 3000
Notes on class-VII (Hindi) – 1984-2000 ⊕ Copy 5000
Lunglen Hnemtu -1987 ⊕ Copy 1000
Song for Children – Nursery Rhyme – 1990 ⊕ Copy 1000
Kristian Martar Ropuite – 1990 ⊕ Copy 3000 (Reprint 3x)
Thuthlung Thar Hmeichhiate – 1991 ⊕ Copy 15000 (Book of the Year Top 10, Reprint 5x)
Devotional Songs for Children – 1991 ⊕ Copy 1000
Song Book Vol-II (script nen) – 1992 ⊕ Copy 2000
Thuthlungthar Mipa te – 1992 ⊕ Copy 2000
Help Book of Mizo Poetry for Cl – IX & X – 1993 ⊕ Copy 7500
Sakhming Chul Lo – 1995 ⊕ Copy 2000 (Book of the Year Top 10)
Help Book for Cl – VIII (Mizo Subject) – 1998-2000 ⊕ Copy 8000
Help Book for Mizo Cl – IX – 1997-2000 ⊕ Copy 8000
Help Book for Mizo Cl – X – 1997-2003 ⊕ Copy 12000
Kulva – 1998 ⊕ Copy 3000 (Reprint 1x)
Khuangthli – 1999 ⊕ Copy 5000 (Book of the Year 20, Reprint 2x)
Ka Inpuanna Part-I – 1999 ⊕ Copy 2000 (Reprint 4x)
Tlawm ve lo Ropuiliani – 1999,2000,2001 ⊕ Copy 5000 (Book of the Year)
Ka Inpuanna Part-II – 2000 ⊕ Copy 2000
Ka Inpuanna (Enlarged Edition) – 2002 ⊕ Copy 2000
Lalpa Bawihnute – 2004 ⊕ Copy 2000
Ka Hring Lamtluang – 2004 ⊕ Copy 2000
Mizo Puitu Cl-VII – 2005 ⊕ Copy 500
Ka Inpuanna Part I & II (Revised) – 2007 ⊕ Copy 2000

Album Released/Discography

Lalsangzuali Sailo hian cassette album 29 lai a release tawh a, 1977-a a solo album release hmasa ber chu Mizo zaithiam zinga audio album released hmasa ber a ni. A Krismas leh Kumthar hlate hi kum 20 chhungin copy 40,000 chuang hralh an ni tawh.

Album Hming – Release Kum – Albuma Hla Awmzat