Vanlalsailova Lengzem Unreleased (Album Download)

Vanlalsailova Lengzem Unreleased Album (Unofficial)

Sailova’n lengzem album Zoram Tan Fan Fan/Derna Anka a release hnuin lengzem hla nalh tak tak a record tan a. Hla pawh a ngah hman viau.

Mahse, Pathian hnenah Lengzem album pakhat chiah release tura a lo intiam lawk tawh avangin a rilru a nuam thei lo. Studio-ah a rukin record ve thin mahse “[Sailova] ngaih a ngam thei lo… ‘Mi thenkhat pawhin love song sa tawh loin fakna hla ka sa ang’ an ti a. Mahse, rei pawh a ral hmain love song an sa leh a, Pathianin a hrem chuang hlei nem,” tiin, Engemaw chhuanlam neuh neuh siam a, inkhuhmawi ka tum poh leh ka rilru chu a beidawng tulh dulh zawk a, hlauhthawnnain ka khat nghal bawk thin.”

A hlate hi a nalh hlawm em em mai a. Album puitlinga siam chhuah ni phei se chu hralh a tla viau anga Sailova pawhin a hmingthanpui lehzual ngei ang. A thuthiam a hlen avangin Sailova hi a fakawm zawk.

Official a release chhuah ni lo mahse a official album hmasa a hla thenkhat ai pawha larzawk pawh a awm nual. A pianthar hnu pawhin album hlate hi Sailova’n a ngaihthla zeuh zeuh a, a bik takin ‘Lo Let La, Ka Kiangah,’ tih leh ‘A Tu’n Min Sel Lo Se’ tih hlate hi.

He list hi unofficial a nih angin Sailova lengzem hlasak, album hmasa a awm lo apiang dah an ni.