Ebook Lehkhabu Downloadna Website

Updated: October 10, 2016

Ka sawi tawh thin a, Internet ang khawpa ropui leh tangkai a awm lo.

I hman thiam chuan.

Hmanlai a thil neih harsa em em mai tunah awlsam leh em em sia kan neih theih pakhat chu hriatzauna information. Internet vangin history zawng zawngah tun aia information hriatzauna tha leh awlsam a la awm ngai lo.

Lehkha chhiar tam hi finna bulpui a ni. Miin an nuna an thiltawn zawng zawng kut ziakin lehkhabuah an chhuah a, an thuziah I lo chhiarin an nuna thilthleng tawhte leh an thiltawn experience I lo hmanpui veleh chhawng. Mahni mimal hringnun pakhat chiah hmang lovin mi thiltawn tamtak hlu takte kan hmanpui ve thei.

Lehkhabu hi zirtirtu tha tak mai a ni bawk. Mahni aia upa fing zawk kaihruaitu che I neih loh phei chuan lehkhabu hmangin I inzir chawp thei.

A bik takin Non-Fiction lehkhabu atangin mithiamte leh mi hlawhtlingte mizia leh nunphung a zirchhawn theih a. Fiction chu a ngaihnawm rual rualin fiction lehkhabu tamzawk atangin mimal hmasawnna zirtur a tlem thung.

Lehkhabu hmangin ‘Engkim’ I inzir chawp thei. Mi rilru zau (a dik emaw I tih lo ni si lo), mi taima leh mi tumruh tan chuan lehkhabute hi malsawmna hlu takzet an ni.

Ebook Lehkhabu Downloadna Website

Ebook te hi ebook reader Kindle angah te emaw dah I duh chuan Calibre software hmangin I format mamawhah a convert theih.

Mizo Ebook Downloadna

Mizo ebook hlui tha tak tak chu Digital Library of India hian an nei tha thawkhat viau. Ebook te hi PDF format niin a thenkhat te chu an hlui tawh em avangin chhiar harsa tak tak te pawh an ni hlawm.

Search a nih loh pawhin Mizo sectionah hian I zawng thei.

http://www.dli.ernet.in/ – Mizo Section

General – Vantlang Ebook

Google Custom Search Atanga Zawnna

Ebook Custom Search Engine – Ebook tan bik liau liau.
Free/Cheap Textbooks – A thlawn leh a tlawm ber zawnna. Tha tak a ni. A thlawn a hmuh loh chuan a tlawm ber chu search results in a hmu thei zel. Amazon Kindle library pawh a zawng nghal vek.