Sakeibaknei
Sakeibaknei - Mizo Tawng Website
  • Home
  • Archives
  • Mizo Thil Hran Hran
    • Mizo Film List
    • Mizo Music
    • Mizo Thawnthu
    • Mizo Website Thate
  • Youtube
Software

Software Tha 9 Ka Hman Mekte

by Hrang Zahawma November 7, 2015
Published: November 7, 2015Last Updated: July 11, 2016 0 comment 1,011 views

Updated: November 8, 2015
——————————–

Post hmasa lamah Software 10 Pawimawh leh Tangkai kan sawi tawh a. Software tha Clover (hman ngei tur) kan tlawh tawh bawk. Tarlan tawh software zinga tel lo, software tha 9 ka hman mekte chungchang kan sawi leh ang.

Software ka post te hi hman na experience ka neih vekte an ni a. Hemi list a mi hi, post hmasa a mi te nen, ka hman lai vek an ni. Hman thin software dang pawh la awm mahse list a thui dawn lutuk ai chuan duhtawk rih ang.

Software hi Download link ka pek loh chuan Ninite atangin awlsam zawkin a download theih vek e.

Software tha 9 ka hman mekte chu:-

1) F.lux

flux-icon
He list atangin pakhat chiah ka thlang thei a nih chuan F.lux hi ka thlang ngei ang. He software tereuhte hi hmang ve ngei turin ka fuih a che. Ni chhuah leh tlak a zirin computer a screen brightness a thlak danglam a, kei anga computer hma a rei tak thu thin tan chuan software kawl loh theih loh zingah ka dah. Mit tan a hahdam em em a, I hman rei hnu chuan a tangkai reuh zia I hria ang. Software install a, I awmna (location) dah hnuah a dang khawih buai a ngai tawh lo. Amahin a lo inthlak danglam mai ang.

– Download

2) MPC-HC

mpchc logo Media Player Classic – Home Cinema.
Kum rei tak chhung chu VLC char char ka hmang a, engpawh a play thei a, hman a awlsam bawk si tiin. Mi tamtak tan chuan VLC chu a la tha tho, mahse video quality tha zawk I duh chuan MPC-HC codecs nen a hmantlak zawk. Online a mi sawi ka hmuh hnuin keimah ngeiin ka fiah bawk. MPC I hmang dawn a nih chuan codecs hman a ngai dawn a. K-Lite Codecs emaw CCCP hman a awlsam ber (pakhat zawk chiah). VLC pawh a ve mai maiah atan ka la nei nain ka hmang ngai tawh meuh lo.

3) Opera

opera logo
Hun rei tak chhung Chrome ka hman hnuin tunah chuan Opera hi ka browser hman ber a ni ta. Support leh extensions velah chuan Chrome chu tluk lo hle mahse a rang tawk a, a zangkhai a, a speed dial a tangkai reuh hle bawk. Thil tlem a zawng a tihtheih loh avangin Chrome browser chu ka la nei tho.

A dang: Google Chrome, Mozilla Firefox

4) Internet Download Manager (IDM)

Internet Download Manager IDM
Download manager tih vel hi ka hmang peih ngai lova. Browser in ka download mai thin…Internet Download Manager (IDM) ka hman chhin hma chuan. IDM hi rin aiin hman a lo awlsawm phian a. A download speed a chak a, website thenkhat atangin download link a pe nghal a (a bikin music leh video), download a chhunzawm theih, chu mai lo pawh hman theihna dang a nei teuh mai.

A official site atanga download chuan ni 30 chhung a hman theih a, chumi hnuah a man pek a ngai. I neih loh chuan heta tangin 6.25 Build 2 (October 16, 2015) chhuak a download theih. Hetah (Virus a awm lo).

5) Sumatra PDF

sumatra-pdf logo
PDF chhiar chiah I mamawh chuan Sumatra PDF hi hman a nuam ber. Sumatra hi a  zangkhaiin memory a heh lova, document hawn a rang a, hman a awlsam em em bawk. Chhiar bak chu tihtheih tam nei lo mahse a chhiar atan chuan a dang (Acrobat, Foxit) aiin hman a nuam zawk.

A format chhiar theihte: PDF, ePub, MOBI, CHM, XPS, DjVu, CBZ, CBR.

6) Notepad++

np2pLogo
Windows in a chhawm Notepad hre lo kan awm lovang. A tihtheih tlem zia hre lo kan awm lo bawk ang. Notepad++ hi a let engemaw zatin a tangkaiin thil a tithei. A rit viau lo bawk. Programming tan bik chiah a ni lo (tangkai lehzual mahse). Pakhat aia tam tabs a hawng thei a, thumal zawn leh thlakthleng mai bakah a dang tihtheih a ngah em em bawk. Hmang thang tan chuan Windows Notepad chu a ngaihawm loh hle.

7) Audacity

Audacity Logo
Audio leh rimawi edit a tan. Audacity hi software thlawn ni mahse man nei software tamtak aiin a thlang zawktu an tam mai. Audacity hi hmangtu an tam hle a, professional tak tak audio edit na atan pawha hmang tam hle. Youtube ah pawh a hman dan chi hrang hrang a hmuh teuh theih. Aw record sa siamthat nan leh hla tih rual nan ka hmang tlangpui.

8) Foobar2000

Foobar2000
Hla ngaihthlakna atan ka number 1. Software dangah ka sawi tawh fo angin software zangkhai tak, a tih tur ang thlap ti hi ka duhzawng a ni. Foobar hi a player atangin playlist duh tawk I siam thei a, drag n’ drop a tih theih bawk a, chu bakah keyboardah shortcut key dah la I duhtawkin a program hawng kher lovin a control theih. Install tirhin a design a ho angreng hle a, I duh chuan a theme thlak dan onlineah a zawn theih. Hla ka ngaihthlakin backgroundah ka awmtir avangin ka ngaimawh lem lo. Foobar atangin hla cd a burn, hla convert pawh a tithei a, a dang tamtak pawh. Mahse a chhawm sa loh avangin chung ti tur chuan plugins (components) download a ngai thung. Kei erawh chu a behbawm tel lo, rang deuh, memory heh si lova hman ka thlang zawk.

9) qBittorrent

Qbittorrent logo
Torrents atan a ni. I torrent ngai lo a nih chuan I mamawh lo. qBittorrent hi hun rei tak utorrent ka hman hnuah ka insawn a. Utorrent hi a tirah tha viau mahse tunah chuan hnawk a tam tawh lutuk a, a tira a thatna a bo zo. Engpawhchu nise, qbittorrent hi torrent download nan ka hmang.

Software
0 comment 0 FacebookTwitterWhatsappEmail
previous post
Mizo Website List Tha Thlankhawm
next post
Mizo Gospel Hla Thlankhawm Vol 1 (Download)

You may also like

Mizo Dictionary Download (Document leh Software)

February 3, 2015

Windows (PC) Software Tha: Clover

September 10, 2015

10 Software Pawimawh leh Tangkai (Free)

July 15, 2015

Leave a Comment Cancel Reply

Save my name, email, and website in this browser for the next time I comment.

Search

Facebook ah Follow ru

Facebook ah Follow ru

Comments Thar

  • Zorina on Pasaltha Khuangchera
  • Mr jack on My Wife is a Gangster 3 [Mizo Tawngin]
  • Zohminga on Zokhaw Thunder 5
  • Cecilia lalchhuankimi on My Wife is a Gangster 3 [Mizo Tawngin]
  • Nunzira J on Zokhaw Thunder 4
  • Hrang Zahawma on Zokhaw Thunder 4

Post Dangte

  • Zokhaw Thunder 1

  • Zokhaw Thunder 4

  • Zokhaw Thunder 5

  • Zokhaw Thunder 2

  • Film: Zokhaw Thunder 3

  • Facebook
  • Youtube
  • Archives
  • Blog
  • Bultanna
  • Contact
  • Download
  • Hmanrua
  • Homepage
  • Mizo Film List
  • Music
  • Youtube

Sakeibaknei - Mizo Tawng Website @2021 - All Right Reserved.


Back To Top
Sakeibaknei
  • Home
  • Archives
  • Mizo Thil Hran Hran
    • Mizo Film List
    • Mizo Music
    • Mizo Thawnthu
    • Mizo Website Thate
  • Youtube