Luphut leh Luthak Damdawi

Hun rei tak chhung chu luphut leh luthakin min tlakbuaka, a enkawl dan hre si lovin…

A bikin dawrah lu ka mehtir zawh hian ka lu a thak ziah mai a. A thak mai bakah a phut var tuarh chang a awm. Theihpatawpa nain han hiat vak ila, samah a var bet vek zel.

Tumkhat chu ka ning lutukin internetah beihpui chhuahin luphut damdawi ka zawng chiam a.

Enge tha ang? Miin enge an ngeih? A to em? Hun rei tak chhung ka zawn hnuah shampoo pakhat dandruff (luphut) atan bika siam to lutuk lo ka hmufuh a. Ka lo ngeih lo a nih pawhin finfiah nan a to lua loh hi tiin.

Ka beisei a khum daih.

Ka ngeih ngei mai.

Hemi hma hian luphut shampoo hran hran ka hmang tawh a, a sawtna pakhatmah awm lovin. Dawra luphut shampoo inti zinga tamzawk hi chu laktlak an awm lo. He shampoo bik erawh hi chu ka hman atanga reilote chhungin a rawn thawk nghal.

Ka lu thak lutuk hiah ziah ngai a reh a, ka luphut var kai luai thin a awm tawh lo bawk. Dik taka sawi chuan ka rin ai daihin a thawk rang. Mi thenkhat chuan kar 2-3 hnuah a thawk an tia, kar 1 hmain ka lu thak a reh.

He shampoo hi Selsun Blue 1% Selenium Sulfide inti bik hi a ni.
Selsun Blue kher I hmuh zawh loh pawhin, 1% Selenium Sulfide a tel chuan a inthlau lutuk lovang.

Tip: I lo ngeih viau a nih chuan a reh hnuah nitin hmang tawh lovin, a khat tawk chauhvin hmang tur.  Damdawi chak tak a ni a, i samin a tuar lutuk ang. A khat tawka enkhawl nan chiah hman tawh tur.