Hringnun Dictionary – C.H. Thangkhuma [Download]

Hringnun Dictionary hi lehkhabu tangkai em em mai, thu tha leh thu ril Mizo tawnga leh dahkhawmna a ni. Thu te hi an sei hlawm lova a indawta number thlap an ni hlawm. A zavaiin 813 a awm.

A remkhawmtu hi C.H. Thangkhuma a nih hmel a, amaherawhchu a lehkhabuah a hming a chuan loh avangin a chiang lo hle.

Lehkhabu tawpah a chhunga thu zawn awlna (Table of Contents) I hmu ang. Download turin hetah click rawh.

Lehkhabu chhunga thu awm thenkhatte:

Dam chhung hun

129. Dan rangkachak:

1. I hawn chuan khar leh rawh.
2. I hmeh en chuan tithim leh ang che
3.  A kalhna i hawn chuan kalh leh rawh
4. I tihchhiat chuan a titu i nih zep suh
5. I siam theih loh chuan a thiam pun mai rawh
6. I hawh chuan pe kir leh ang che
7. A hlutna i hriat chuan enkawl rawh
8. I tihhnawk chu tifel leh ang che
9. I lak sawn chuan dah tha leh rawh
10. Mi ta i hman duh chuan phalna la hmasa ang che
11. A hman dan i thiam loh chuan kalsan mai rawh
12. I inrawlhna tur a nih loh chuan engmah zawt buai kher suh.

Daw heh

132. Tlang ram hmun vawt zet maia khaw pakhatah hian pa pakhat daw heh zet mai hi a awm a. Khuaa mite chuan a thusawi chu awih tlakah pawh an ruat lo. An beisei loh tak maiin a piangthar ta tlat mai a, Baptisma a chang duh miau si a, a khuate chuan ring lo teh mahse han chantir loh ngawt chi a ni bawk si lo. Lui tui vawt zet maiah hian Pastor chuan Baptisma a chantir ta a.

Tui chu a vawt kher em a, pastor-in a kaihthawh lai pawh chuan a khur bauh bauh mai a. Pastor chuan, “A vawt em?” tiin a’n zawt fiam a, ani chuan, “Aih, ka tuar thei e,” a lo ti a. Mipui zing atangin pa pakhat a lo ding chhuak a, “Pastor, han hnim nawn leh teh; dawt a la sawi cheu a nih kha!” a rawn ti lung lung mai a.

– Murray Watts

Exam result

140. Naupang thiam thei lo ve tak mai hian a report card a rawn hawn a, a pa pek pahin, “Ka pa, lehkha zirnaa ka harsatna hi inthlah chhawn thil nge kan chhungkaw boruak zir loh zawk?” a ti zet zet nia.

Hausakna

171. Mi hausa tak pakhat hi Chicago khawpui Hotel chhawngkuana atangin a zuang thla a, he thuziak hi a lo hnutchhiah:

“Mihring thil chhut dan ang chuan ka hausakna hian dollar maktaduai sawm zet chu a tluk a, nimahsela rilru leh thlarau lam nunah kei tluka pachhia leh rethei hi an awm kher awm love; chuvangin dam hian ka tan hlutna a nei lo a ni,” tiin. A tidik chiah a ni. Vawikhat chauh a piang dawn si a, a nunah fel lo leh ruak a nei tlat atin alawm.

Hlawhtlinna

182. Vawiina kan thiltih hian nakina kan hlawhtlinna a rawn thlentir dawn chauh a ni.

183. Avawikhatnaah i hlawhtling nghal a nih chuan a aia harsa zawk tih leh tum ang che.

184. Damchhung nuna hlawhtlinna kawng tha ber chu mi hnena thurawn kan pek ang chiah mahniin tih nghal hi a ni.

DOWNLOAD 

Link 1: Zobawm
Link 2: Mediafire