Thupui: Mimi Renthlei leh Mark Varte te’n ‘Tiam Tlat E’ ti dawn!
Magazine: The Zozam Times
Date: Nilaini, February 9, 2011

Mark Lalthanliana (MCS) BDO, Reiek RD Block leh Mimi Renthlei

Source: The Zozam Times

The Zozam Times (Nilaini, February 9, 2011), Thalai Times – Sakeibaknei.com 

Mipaa ka duhthusam chu amahah hian a awm kim biai ni maiin ka hria! A bula awm hi a nuam a, mi enkawl dan a thiam bawk. A nihna takah chuan amah zawk hian min enkawl ni maiin ka hria!

1) Zozam Times: Engtia intawng nge in nih le?

Mimi Renthlei: Kan inhmuh hmasak ber chu 2008 khan a ni a, Bangalore-a an hna pawimawh vanga an lo kal khan a ni. Chutianga inhriatna pawh kan nei lova, inbiak zuina pawh a awm lova, Aizawl-ah zawk hian boruak a awm tan zawk a, nikum atang khan kan inhre chho tak tak a, kan inzui ta chawt mai a ni

Mark Varte: Mimi-i unau nu hian min inhmelhriattir a, kan office-a thawk a ni nghe nghe a, zaithiam a ni tih ka hria a, a bak han hriatchianna em em ka nei hran lo. A bula han awm tâkah chuan a lo fel em em mai a, a hlim thei a, sawiselna tur engmah ka hre lo.

2) Zozam Times: A mizia leh i duh em emna chhan?

Mimi Renthlei: A fel em em a, mihring puitling a ni a, ‘Gentleman’ an tih ang chi hi a ni. Mi a zahthiam a, min ngaihtuah thei em em a, a ‘caring’ em em bawk a, mipaa ka duhthusam chu amahah hian a awm kim biai ni maiin ka hria. Min duh leh min hmangaih em emna chhan hi (Hetah hian a tawp thut a, ‘Amah zawt la, a hrechiang zawk ang’ a ti zet hman). Keimah ka nih avangin min hmangaihin, min duh niin, ka hria.

Mark Varte: A unau nu-in min biak sak hnu hian kan inkawm hmasa a, sawi tawh ang khan, zaithiam pangai ve mai nia ka lo ral hriat kha, a tak takah pawh a zaithiam em em a, a fel a, mi hlim thei tak a ni a. A bula awm hi a nuam a, mi enkawl dan a thiam bawk. A nihna takah chuan, amah zawk hian min enkawl ni maiin ka hria. (An pahnih hian kum 11-in an inthlau a ni).

3) Zozam Times: Ni ropui (Big day) lo thleng tur chu i nghakhlel hle tawh lo maw?

Mimi Renthlei: (A nui hmasa te te a) Ka nu hmel ka en hi chuan pasal neih hi a huphurhawm thin a, mahse A hmel hmuh erawh hi chuan a hun hi lo thleng thuai thuai se ka ti.

Mark Varte: Hun hi a liam chak lo riau mai a, engpawhnise, nghakhlel takin, ‘big day’ lo thleng tur hi kan nghak tang tang a ni ang chu!

4) Zozam Times: Pasal neih hi ‘hun’ i inti nge ni a, amah nena intawn tak avanga ‘hun’ i ti zawk?

Mimi Renthlei: Amah nena kan intawn avang hian ‘hun’ ka tithar thut a ni ber mai. Ni e, hnathawh leh tuizawng buaipui thin ka ni a, ‘career oriented’ an tih ang hi ka ni a. Zai chungchang a ni emaw, zirna ah pawh nise, nu leh pate’n phai-ah te min dah a, mahni tawka tum nei ve ran thin ka ni. Keimah takah hi chuan pasal neih te hi chu a la lang bik hlo. Nimahsela, Pathianin min inhmelhriattir a, tun hi kan lo thleng ta a ni

5) Zozam Times: Zaimi innei an awm fova, i lo rilruk ve reng em?

Mimi Renthlei: Chutiangin, zaimi ka nih avanga zaimi pasal atan neih tih lam kha ka lo ngaihtuah ngai lova, tum em emna pawh ka nei ngai lo.

He thu hi The Zozam Times (Nilaini, February 9, 2011), Thalai Times tia post a ni a Sakeibaknei.com a post a ni. 

Zozam Weekly (2009 Friday April 3, 2009) a article “Mizo nula lar ten pasal tur an duh lar lo” a an kawmnaa a pasal duhzawng chu tihian a lo ti tawh a nih kha:

Mimi Renthlei:
Bangalore-ah lehkha zirin a awm a, tunlai hian an in-exam mek. A pasal duhzawng chu hetiang mi hi an ni- lehkha a zir zawha hnate a thawh ve tawh hnuah pasal neih a tum a, chutih hunah chuan a pasal tur chu amah aia hlawh tam zawk a nih ngei a ngai. Mi fel a duh a, mi puitling leh amah duat thiam. palian lampang, thau lutuk lo.

Mimi Renthlei pawhin a pasal tur chu lar lutuk lo se a duh zawk a, larna a ngai pawimawh lo.