A inkhawm khat lutuk a…Vawi khat a inkhawm ve a…inkhawm banah chuan a țhianpa bulah, “Mawia, Kan Pa Van Ami” tih kha thiam an van tam em em an tiah😂

♦ “Hello, Ambulance, hei ka țhianpa a tlu sual a, a thidang der mai.”
Ambulance: Aw kan lo kal nghal e. Khawi laiah nge in awm?
“Trezary Sikuarah.”
Ambulance: Han sipel teh.
A reh vang vang a…
Ambulance: Khawngaihin in awmna hmun hming han sipel teh..
Rei angreng deuh hnuah thaw hlawp hlawp chungin,
“K…H… A.. T… …L …A… Nichina kan awmna hmun kha ka sipel thiam lo va, Khatla kawnah ka hnuk phei tawh e.”

♦ UPC pastor inawkhlum an vui a, an vui thiam mai mai khawp a. “Aw Lalpa he kan nau hian I hnen rawn thlen a nghakhlel em em a, a nunna I lak sak hun pawh nghak thleng zo lovin aman a rawn pan thuai thuai che a nih hi”

♦ Zurui deuh pakhat hi police in an rawn man a, office a SI officer lo duty chuan, “Khatiang te tinge in rawn man duh a, man tlak pawh a nih loh kha, chhuah leh nghal rawh u..” kha lo tia, chhuah leh nghal an tum, an man pa chuan thinrim deuhin, “Engnge ka man tlak loh na? Ka chhuak awm bik lo em mai a..!”

♦ Tlangval pakhat pawh khan buhfai hralh ruk a tum a, buhfai awmna a hawng dek dek a, a pa’n a lo hmu sia, a tih ngaihna hre lo chuan,”Buh hum a va tam ve..ration a mi a..” zu han ti ngawt a.

♦ “Tinge i hmai a bawl a..?”
“Ka rilru a hah a..”
“Tinge i rilru a hah a..?
“Ka hmai a bawl a..”

♦ Goalkeeper pawh a bum vek tawh a, pet zeuha goal theih mai tawhah referee in a rawn hâm ri tuarh!! “Eng nge?!!!” a va tia, referee chuan, “KA THAW SUALLLLL!!!”

♦ Engatinge vaipa kha i ben tak chiam a?
A hming ka zawt a, “Ka hrelo ka pu”, a ti khanglang a.
Engtinge i zawh a?
”Mera naam kia he?” ka tia.

♦ Vaipa khan chengkawl no pai lai a hip fuh a, a sawi thiam bawk si lova, “An chhungkua in ei bek lawm!” a ti vel.

♦ Pu (thinrim tawkin): Niminah tinge engmah sawi lovin i rawn kal loh ringawt a? Eng nge awmzia?
Mistiri (nui sâng leh lu thin na na pahin): Ka pu, awmzia awm lo…!

♦ Pa pakhat haihawt lutuk pawh kha, “Lungleia ka hmingpui pa kha eng nge a hming kha aw..” lo ti ve vung vung..!

♦ Drug Addict 1 diary pawh kha an chhiar ruk sak a, inthup chu a tum ve ngang:
Zing ka tho a, ka e.
Chaw eikhamah ka e leh.
Dar 2 velah Hruaia alo leng a, kan e dun.
Tlaiah Mawia te inah kan va phei a, kan 3 in kan e ho.
Dar 10 velah ka haw a, mut hma in ka e leh.

♦ Pitar: Doctor, ri miah lo uih miah lovin ka vawih reng mai, tun mai pawh kha vawi 10 ka vawih a tumahin an hre lo.
Doctor: He damdawi hi ei la, kar khat hnuah lo kal leh ang che.
Karkhat hnuah chuan,
Pitar: Eng damdawi nge min ei tir, ka vawih a uih thei lutuk.
Doctor: Hmm, i hnar chu a dik tawh a, i beng lam enkawl tawh ang aw..

♦ Tlangval pakhat piangthar pawh kha. An chhungkaw chaw einaah inla piangthar tawkin, “Khawimaw Lalpan rem atih chuan khawrh khat min lo khawrh leh” an ti ngeiah.

♦ A bialnu bulah a insawi pa mai mai asin,
Tlangval: Dead sea khu i hria em?
Bialnu: Umm..hre ve e
Tlangval: Ka thah a nih khu…..

♦ Vai pakhat pawhin nupuiah Mizo a nei a. A inla mizo ve tiah tiah khawp mai. An fate hnamdang nupui pasal atan an neih a phal lo bur..
“Nu ber in hnamdang a nei mah tih tawh nak laiin..” ti ve tlat..

♦ Upa pakhat thusawi tur pawh kha a’n ho ve mai mai khawp a…
“A hmasain ka hming chu Upa Pahlira a ni a, a let zawng chuan Arilhap Apu a nia…” te a ti vel.

♦ Pastor pakhat sacrament sem kha…
Naupang pakhatin a lo ngen, rum tawka melh pahin, “A thak!” a’n tiah