Windows (PC) Software Tha: Clover
Microsoft Windows Operating System hmang tan chauh. Windows 8.1 ka hmang mek. 
Kar 3 vel kalta khan software thar han chhin tur ka zawng kual a. Chumi ka hmuhchhuah zinga pakhat, hman nuam leh ka tangkaipui em em mai chu – Clover. Tuna a tangkai zia hriain, hei leh chen ka lo hre ngai hauh lo hi a mak ka ti angreng. Windows Explorer tih theih zawng zawng lain leh a siam tha lehzual.
Google Chrome web browser hmang dan den chhawna siam a ni. A hnathawh ber chu Google Chrome page/tabs leh windows control la chhawngin Windows Explorer a hman theih turin siam. A hnathawh chu ho angreng hle in lang mahse tangkai tak mai a ni. Windows chhawmsa Explorer thiltih theih a kimchang loh deuh avangin.
A hman dan a awlsamin, thiam lo kan awm mang lovang.
I folder hman zing deuh kha ‘Bookmarks’ (Ctrl+D) ah I dah anga, awlsam takin a click zung zung theih tawh ang.
Chumi lo dang hman a nawmna em em chu Windows Explorer a windows hran hawng teuh tawh lovin, window pakhatah tabs angin a lang vek thei tawh a ni. Window I hawn duh thung chuan Win+N shortcut key hmangin a hawn theih.
A rawng (theme) lan dan I thlak duh pawhin a themes download tur a awm nual bawk. Kei erawh chu a chhawmsa default theme ka hmanga, a tihdan vel chu ka telh lovang. I thlak duh chuan I lo zawn kual ve deuh a ngai ang.
Shortcut keys chhawmsa a nei nual a. Chungte chu:
- Ctrl+T – Page/Tab thar hawnna.
- Ctrl+W – Page/Tab kharna (exit).
- Ctrl+Tab – Page/Tab hawn sa thlengna.
- Ctrl+D – Bookmark chhinchhiahna.
A tirah I ngaina nghal lo a nih pawhin (keimah angin) kar 1 vel chu hmang chhin hrim hrim la, I rilru I la thlak mahna.
DOWNLOAD
Download – Clover