Thlak: zoramchhani.com archive
Zoramchhani Autobiography – Original ziahna zoramchhani.com 2006
Ka hming pum chu Zoramchhani a ni a, ka chhungte leh ka thiante chuan RC tiin min ko ber a. Kum 1991 October ni 2 khan North Vanlaiphai khuaah ka piang a. Ka pa hming chu V.L.Bela Ralte a ni a. Ka nu hming chu Lalrinpari a ni. Kan unau hi pali (4) kan ni a, hmeichhia 3 leh mipa 1 kan ni a. Kei hi a upa ber ka ni.
Zirna lamah chuan Oriental Middle School, N.Vanlaiphai-ah ka kal thin a. Tunah hian Gov’t Higch School, N.Vanlaiphai-ah Class IX ka zir mek a ni.
Mihring ngaihsan zawng:
Mi inngaitlawm, Pathian tih mi, itsikna nei lo, mahni tum a chiang, hlim thei tak.
Youth Icon 2006-a tel chhoh dan:
Youth Icon LPS leh UNODC CHARCA te tangdunin an buatsaih dawn tih ka chhungte Aizawl lama mite’n min hrilh a, chuta tang chuan tel turin ka rilru ka buatsaih a, vawiin hi ka thleng ta a ni.
Mizo thalaite hnena thuchah:
1. HIV/AIDS veite hi lainat ila, kai ve lo turin kan nun i fimkhur ang u. Hmeichhia ten hmeichhia kan nih avangin engmah lo/hniam zawka in ngaihna nei lo ila, hmasawn zel turin ke i pen zel ang u.
2. Hmeichhia ten kan dikna leh chanvo te hre turin kan hriatna te ti hmasawn zel ila, ram leh hnam tan theihna kawng zawn theuhah rinawmna, dikna, hmasawn zelna nen, Pathian tih chungin i kal zel ang u.
Hmalam hun atana nih chak leh tum:
Pathian rawngbawltu tha tak leh aw tha tak min petu Pathian fak leh chawimawi tura zai zel hi ka chakin ka tum a ni.
Lawmthu sawina:
A hmasa berin Pathian hnenah lawmthu ka sawi a, he Youth Icon a ka tel theihna tur atana min puitu ka nu leh pa te, leh hmun hrang hranga kan chhung leh khat min phur puitu zawng zawng te, Aizawl mipui min duhsakna thilpek leh sum leh pai min petu zawng te chungah te, min duhsaka min vote tu zawng zawngte (telephoneah) tin, N.Vanlaiphai khaw mipuite chungah ka lawm em em a ni. A tawp berah chuan ka talent min hai chhuah saktu leh Zoram mipuite hmelhriat theiha min siam tu L.P.S. leh UNODC CHARCA te chungah lawmthu ka sawi a ni.
Ngaih pawimawh leh duh duh:
Mizote zinga rethei leh hausa inkar zau tial tial hi ka vei ve em em thin a, Mizo hnam pum puiah hian “Maileng an um ngai lo” tih hun lai nun kha awm reng thei se ka duh a ni. Mizo thalaite ruihtheih thilah kan fihlim tawk lo hi pawi ka ti a, ruihhlo lakah kan fimkhur a ngai a ni.