Music: Valzotea Hlate (Album Download)

Mizo hla phuahthiam hranghlui Valzotea hlate thlankhawm album. Mizo zaithiam rual ‘Various Artists’ ten an sak that.

Kum ~2002-2004 bawr vel a ni ta in ka hria. Lengzem zaithiam rual thah Chama, Adam-a, Daduhi, Elizabeth Zodinpuii, K. Lalchamliana, Vanlalsailova, Joseph Zaihmingthanga, Robert Lalduhzuala, leh C. Sanga ten Valzotea hla phuah nalh hlawm tak an sa tur chu Zorimawi khawvela ngaihven ber niin beisei pawh a sang hle.

Chama hi zaithiam tak,  a kutzeng avanga mi sawi hlawh Mizo leh English hla sa kawp thiam a ni a. Daduhi chu Zorimawi khawvelah chuan hnuhma a ngah hman tawh hle a. Mizo zaithiam ber zinga ngaih a ni der tawh. Chutih rualin Eli hi Sensiari film atangin zai lamah a rawn invawrh lar chho chak hle a. K. Lalchamliana pawhin album a lo release nual tawh. Lelte Nunnem a bei nalh khawp mai. Joseph, Robert, leh Sailova hi chu kha tih hun laia mipa Lengzem zaithiam ah chuan a chhip berah an awm. C.Sanga pawh hi Zoram mipui chuan an hmelhriat hlawm hle bawk. Hetiang ang a zaithiam album pakhata infuankhawm hi Rimawi ngaina tan chuan a nghahhlelh awm thlawt.

Rin lawk angin Valzotea Hlate album chu hit tak a ni. Albuma a hlate hi Di ngaih hla, hla muang, leh lunglen hla a ni deuh thup a. Ama mizia hrelo mah ila, Valzotea hi mi lungleng leh suangtuah peih tak mi a ni ngei ang.

Album hi kawng tam takah a fuh hle. Artist, hla thlan leh hla production zawng zawng combination a fuh kual bawk a tun thlenga hetiang ang album hlawhtling hi a vang hle. A hla tamtakte hi han tun thlenga hriat hlawh leh ngainat tak an la ni, a bikin Joseph-a leh Sailova hla sakte.

Valzotea Hlate Tracklist

Ngaithla/stream turin a hla kha click rawh. 

Download

Zip a audio files te hi mp3 format vek.

Album Download: All Mizo -Valzotea Hlate