Tawnmangah tal ti a inhnem leh ngawt mai loh zawng, tawnni reng hi a her si lo
tiin aw tham zet maiin J. Lalthlengliana(Tetea)’n a hla A Her Si Lo sain bul a tan a. J. Lalthlengliana hi J. Lalremruati nen J&J ah an zai kawp thin bawk a. Ka Ngai Em Che hi chu a solo album niin an hla lar Min Then Lawng erawh a tel ve thung.
He album hi a hlui ve thawkhat tawhin ka hria. A hlui tawh tih hriat dan chu Awmkhua a har lung a leng karhla di zun ngaih chu biahthu di hrilh a rem ve si lo (A Her Si Lo) tiin a sa a, SMS vel hma chu a ni ngei mai.
Mizoram rampawna awm, seilian, tan chuan Mizo hla hriatloh tamtak awm mahse internet hmangin a hriat zung zung theih tawh a. He album hi I lo hre ngai lo a nih chuan ngaithla ve ngei turin ka fuih a che.
Ka Ngai Em Che albumah hian hla mawi tak tak a thahnem hle a. All Mizo Youtube channel lamah pawh hmuh tur a awm nual. A album hla pui Ka Ngai Em Che, Mizo Idol pawha hla sak hlawh Emily, Demand Channel a lar thin Min Then Lawng (J&J), C. Zonunmawia hlasak hriathlawh Di Lenmawi, Mizo Classic Pari Zun leh Ka Kiangah (I Her Dun Ang), sawi tur a tam.
He albuma hlate hi rock lam music, hla muang, leh lungrun hla chawhpawlh a ni hlawm. Lengzem album mawi tak a ni.
Album Hlate – Ka Ngai Em Che
- A Her Si Lo
- Di Lenmawi
- Emily
- Hrilh Ka Hai Ngei
- Ka Kiangah (I Her Dun Ang)
- Ka Liam Ta E
- Ka Ngai Em che
- Kei Ka Tan
- Min Then Lawng Feat J. Lalremruati (J&J)
- Nghilh Ni I Awm Dawn Lo
- Par Ang Chul Zo
- Pari Zun
- Suihlung Lawm Ve Nan
Hla Format: Hlate hi M4a (aac) Format an ni a. Min Then Lawng leh Emily hi Mp3 Format ni ni thung.
J. Lalthlengliana (Tetea) – Ka Ngai Che Album Download: Album Mp3 Download
—————————–
All Mizo – J. Lalthlengliana (Tetea)