Hla: Nang Zun A Uai
Phuahtu: B. Vanlalsiama
Satu: Zodi/Thangluaia
1. Ka lenrual lungduhte,
Kawpte’n an leng Di nen,
Thal khawzawlan.
Min dawn pui ve ula,
A riang ka chan tur hi,
A na em mai.
Ka han dawna aw lungrunpui i zun a uai,
Min hnem ve la aw lungrunpui a na lua e,
Min chhang ve la ariang val lung lawm a’n,
Biahthu kha zawng ka hrilh i lungkim nan,
Riakmaw va iang ka lo vai e zantlai nemah,
Ka hawi vela ka tawng si lo, ka riang thlawn e.
2. Senhri leh Chawnpuipar,
An vul thal ti mawi a’n,
Lunglen a zual
Thang van sang han thlirin,
A zing e van râng chhum ka thinlai iang.
Ka han dawna aw lungrunpui i zuna uai,
Min hnem ve la aw lungrunpui a na lua e.
Zan tlai nemah tual len ka zuam lul lo,
Zan lalnu pawh a lo par vul leh ta,
Kei ka tawnah thaleng tleitir lo par ve la,
Ka lo nghak ang che aw tleitir thal tui iangin
(x 2)
Zodi Rimawi Pawl album hmasa ber ‘Damlai Pialral’ tihah khan ‘Nang Zûn A Uai’ tih hla hi remna mawi leh changkang takin Thangluaia khan a rawn sa lar tawh a ni. He hla phuahtu Pu B. Vanlalsiama, Nov. ni 13, 2007-a cancer natna avanga boral ta vawiin ni hian kan hre thar leh a ni. Mizo ir-awm chhuak hla-ah a remna leh a thu inrem ber pawl a ni anga, introduction leh music arrangement hi rimawi ngaithla ngun bikte chuan a inrem zia leh a dang dai zia kan hre thei mai ang. Backing vocals mawi tak nen sak a ni bawk a, a phuahtu leh satu an thiam tlang bawk nen. An record-na hi kum 30 chuang tling tawh mahse Mizo hla mawi ber pawl a tling awm e.
– Lelte