Google hmang lo kan awm lova mahse I duh ang chiah zawnnan I hmang thiam em? Hman thiam chuan Google hi thiltithei tak mai a ni a I duh ang chiah chiah I zawntir theih rualin I duh loh I zawnloh tir thei bawk.
Google hi thiltithei tak ni mahse mi tamzawk chuan a power an hmang thiam lo. Nitina I motor khalh thin khan a ruka tihchakna power I hriat miah loh a nei ang vel a ni.
Google hman dan chi hrang hrang kan hriattir ang che. Awlai takin lang mahse he guide ami I hriat vek chuan mi tamtak aiin Google I hmang thiam tawh zawk ang.
Thupuite
1. Zawn Dan Chipchiar
2. Hmanna Nepnawi Dang
3. Khaikhawmna
Google Hman Dan Kimchang
A. Zawn Dan Chipchiar
- “”
- Site:
- –
- Related:
- Filetype:
- ..
1.” “
Quotation (“”) hi zawnna tangkai ber zinga mi a ni.
I thu chhut chiah chiah zawnna a ni a, quote (“”) chhunga I thuziah ang chiah chiah chu a zawng ang.
2. Site:
Zawnna tangkai leh tak mai chu Site: chhunga zawnna hi.
Site: zawha I website chhut chhungah chiah a zawng ang.
Website tamtakin zawnna tha an neih loh avangin Google hi zawnna tha tak a ni.
Example – site:sakeibaknei.com, site:misual.com, site:inkhel.com,
3. –
Google I zawntir tel duh loh chu a hmaah – I dah anga a tilang lovang.
Thlalaka mi ang khian -youtube tih ka telh hnuah Youtube a mi zawng a tilang tawh lo.
Engpawh zawntir I duh loh phawt chu a telh vek theih.
Example: -movie, -[website], -music, -pdf, -video.
4. Related:
Site inang dang zawnna. Site I duh deuh nena inang dang I zawn duh chuan a tangkai reuh khawp mai.
5. Filetype:
Filetype (jpg, mp3, pdf, etc) I duh zawnna. Google-in I duh ang filetype a hmuh apiang result a tilang ang.
Example – filetype: pdf, filetype: jpg
6. ..
Number pahnih inkar zawnna.
Kum (date), man (price), tehna (measurement) pawh a ni thei.
Example – dslr $300..$500, film 1995..2006
B. Hmanna Nepnawi Dang
1. Weather – Sik leh Sa
Khawi hmunah pawh (Google-in a khaw hming a hriat chuan) an nikhua awm dan a zawn theih.
2. Time – Hun
Khawi hmunah pawh an dar zat (hun) I hriat duh chuan time [khua] chhu mai rawh.
3. Team
A team hming I zawnin I inkhel pawlte score leh an fixture pawh awlsam takin a hmuh theih.
4. Calculator
Chhiarkawp (belh, paih, puntir, divide, etc.) tihna awlsam tak mai calculator pawh a ni nghal.
5. Conversion – Lehna
Thil pakhat atangin adanga lehna tha tak mai a ni.
Example – Kg to lb, Km to miles, Rs to dollars.
6. Dictionary
Tawng thumal I hriat mai loh I zawn duh chuan define [Thumal] hmangin zawng mai rawh.
Dictionary hi Google a tangkai em em mai leh ka hman zin ber zinga mi a ni.
7. Translate – Tawng Letling
Tawng lehlinna tha leh awlsam em em mai a ni bawk.
Hnam tawng lar deuh (English, Spanish, French, Chinese, Hindi,etc) chu a zawn theih deuh vek. English kher a ngai lo.
Example – Goodnight in French, Namaste in Spanish.
Khaikhawmna
Google hman dan chipchiar thawkhat chu ni mahse a hman dan zawng zawng tarlan a ni lova, tarlan bak hman dan thahnem tak pawh a la awm cheu (a thar pawh an siam zel ang). Mahse tamtak chu an pawimawh lova tuna hman dan tarlante pawh hi thlei chhuah an ni tawh hlawm.
Kan tarlan zingah hman zin I nei anga hman miah loh te pawh I nei thei. Vawilehkhatah chuan I hre nghal vek dawn lova I hman zin leh I hmang thiam tial tial ang. A power tak tak chu han tem ve teh le.
[tco_subscribe form=”6186″]