Tunlai Mizo Youtube Channel Dinhmun

Hrang ZahawmaChanchinthar5 Comments

all mizo site stats

Hman deuh kha chuan Youtube-ah I duh duh (Mizo videos) I upload thei thin kha a nia, tunah chuan a dan pawh a dang chho ta.

A hma kha chuan copyright, phal leh phal loh vel vak a awm lo. Tunah chuan duh duh a upload theih ngawt ta lo. Heihi lo upload tawk an awm dawn lo tihna a ni lo – internet a rawn vantlan chhohin leak chhuak chu a tam telh telh zawk chauh ang. Engpawh ni rawh se, tunah hian music videos chhuak thar leh tunlai chu kawl teuh mah ila share theih a ni ngawt tawh lo.

Thla hmasa khan T-Melody video tichhuak anga inpuhna a awm tawh a, kan thiam loh ni lo mahse a mawhphurhna chu kan phur. Heta tang hian a inzir theih. Upload ho pawh kan lo ngaihtuah ngai lova amaherawhchu tunah chuan ngaihtuah lova upload ngawt theih a ni lo. Views lo tamin lo hit pawh ni se rilruah a nuam chuang lo.

Mizo Channel Tlangpui

Mizo channel tam tak hi chu mi upload sa re-upload mai an ni. Keini pawh kan bang chuang lo.

Kan Mizo channel list siam atangin channel thenkhat lakthlak ‘terminate’ pawh 1-2 vel a awm tawh.

omom pa Youtube Channel Dinhmun

All Mizo Channel

Tunhnai khan kan channel pawh videos thenkhat ‘copyright infringement’ tiin blue wave records chuan an report a.

An video report ho kan delete tur thu leh kan fimkhur tawh tur thu kan va message a, mahse an chhang lo. Thlalak atang hian an report ho thenkhat chu a hmuh theih, heng ho zawng zawng tan hian copyright an nei em, duh duh an report em tih phei chu kan hre lo.

all mizo Youtube Channel Dinhmun

Youtube lamah chuan kan channel an la lathla lo a nih chuan fimkhur chu a tha e. Chutih rualin hla upload zawng zawng phalna nei phawt tur chuan Youtube-ah Mizo videos hmuh tur a tlem lulai hle ang.

Mizo copyright hi chu awm tak tak thei lo mahse midang hnathawh lo hlawkpui tum chu Mizo dan a ni lo. Upload pawh kan fimkhur ang a, a khat tawkin kan upload zel ang. Channel a thih leh a thi a ni tawh mai.

He website hi

Kan channel pawh a active vak lova tunlai chu, kan website hmalam kan thlir vang a ni.

Dik taka sawi chuan he website pawh hi hmalamah eng kawng nge a zawh dawn tih zawhna a rawn lang. Mizo website tam tak, ral leh ta mai ang hnung a zui dawn em?

Amaherawhchu Mizo thil tam tak dahkhawmna tha tak a nih avangin tih tawp ngawt chi pawh a ni rih lo. Hmalam kawng erawh a dan a dang deuh tawh ang.

Nikum 2016 kum tawp lam atang khan website tlawhtu pawh an rawn thahnem chho hle.

all mizo stats

In lo tangkaipui ve ngei kan ring.

Enge in ngaihdan?

Share this Post

SAKEIBAKNEI list a tel ve turin a hnuaiah hian I email chhu lut rawh. Thil tha leh pawimawh apiang kan rawn email ang.

Post dang inang

Comments 5

    1. Hrang Zahawma

      Kan lut thei, I browser cache kha clear rawh OR, Browser dang hmang rawh.

      Dinga I zawhna postna hmun hi a awm lo deuh a ni.

Leave a Reply

Your email address will not be published. Required fields are marked *