T Melody Video Thar Tidarh Inpuhna

Hrang ZahawmaAudio6 Comments

t melody video thar 1

T Melody chuan an album thar an release chu a video ti leak chhuak tiin All Mizo chu an chhuahchhal.

Lalnunsanga chuan Facebook lamah ti hian a post,

CHHIAR ZO HRAM TEH U

Ni rei vak lo liamtaah khan zofate rimawi leh cable network inkara hma kan sawn nakawngah lawmthu kn tar lang zo chauh a.. internet lamah erawh bei a la dawng rih hle mai.
Kan theih tawk piah lamah sum sengin zofate ngaihthlak tur album kn record a , album thar tihchhuah nawn leh na tal kan hmuh ve beiseiin dvd copy leh online a kn zawrh mek laiin kan video ( all mizo tih ang chiah) min lo tih darhsak tu an awm leh mai hi a pawi kan ti hle mai…
Kan sum lu poh kn hmuh hma a , kan rem tih leh kan phalna nena ti chhuak ni lo a.. mi dang pohin an upload tho a lom ti ni awm fahranin in thlahrunna nei miah lo a he tiang thil kn ti hreh lo hi chu a ringtu nun lo deuh a ni… mi pohin an ru a lom ka ruk ve eng nge poi …..kn tih nen eng nge dang lam tawh ang.. kn phalna nen then khatin an ti chhuak a nih pohin min hriattir ve lo ten an lo tih chhawn ve ngawt hi kn rem ti lo …. kn phalna nena lo upload tute nen eng in remsiamna nge kn neih poh hre lo hian in remsiamna kn sawipui ve miah lo te hi chuan duh duhin lo tichhawng lo hram turin kn ngen che u…
Entirnan– LPS channel ah kn hla an duh duh huna an tih chhuah a tan inremsiamna neiin kn in befel a, mi tupawhin a thlawna an lo en theih turin kn insawiremna angin an lo tih chhuah boruak chu zonet channel enkawltuten Lps kal tlangin local chanel ah a awm vek tawh kn ti chhuak ve dawn lo ti ngawt se a dik miah lo … kn in berawn lo tlat… thil dik a ni lo.(hei hi entirna mai a ni)sawitum tak chu internet utube lam upload ve ngawt chin hii!!!
Kn mipuite u , inzaithiam neih ve te hian sum tam tak sengin album siam se … in siam ral thak se min ti em ni le… diktak chuan hla kn tih chhuah ve hian album 1 ah 1500ks or 150Rs chauh kn chhiar a, chu chu hla pakhat zelah phei chuan myanmarah leh india ah poh thingpui no khat man vel tak tak a ni chauh asin le..tinge le, a thlawn leh hmaizah der tlak miah lo anga treat tawkah chauh kn musiciante hi kn dah reng dawn em ni le?
Kan din hmun a zirin keimah niin emaw… kn pawl thawhpui ten an la rawn upload zel tho tur a nia… a neitu lo chuan lo che rih lo ula a tha ber mai.
Khawngaihin interneta upload tawh zawng zawngten lo remove leh hram teh u aw…kn ngen a che u…
hawh teh u kn tih loh tur hi i tlansan ngam teh ang u..

A hmasain, video upload an phal lo tih kher chu kan hre lova a zialo kan ti. Mahse he video pakhat avang hian kan chungah lungawi lohna tur a awm loh chhan kan enfiah ang.

1. Video hi Nov 23 khan chhuah a ni tawh.

Myanmar official channel chuan he video hi Nov 23 khan an lo chhuah daih tawh. He channel hi chuan phalna an nei ni ngei tur a ni. Mahse video hi a hit vak lo hle.

t melody video thar 3

Youtube lama mi la hmuh loh video kan chhuah lo (Dec 10 khan kan publish). An la zawrh mek lai video tihchhuah hi kan tum a ni lo.

2. Video kan chhuah hian hlawkna kan nei lo.

Thlalakah hian proof chu a awm vek. Hlawkna kan nei lo. An video chhuah sa kan tihlar sak mai a ni.

t melody video thar 4

3. Hlawkna nei chu T Melody leh video claimant.

Dec 10 khan kan publish a, ni 2 chhungin Myanmar Official aiin likes leh view a tam zawk. Keini tan hlawkna a awm si loh chuan tunge hlawk – T-Melody leh ads hmanga video claim tu.

Kan channel a subscribers hi 4000 a tling tep a, Mizo rual an ni. An video kan chhuah hian a lo hmutu chu tute nge? A video an siam chhan ber Mizo te an ni. Myanmar Official subscribers ho hi Mizo rual an ni lova keini subs angin an pawisak lo.

Claimant in an hlawk tih awmzia chu kan video in en atanga fakna (ads) rawn lang atang hian T Melody label hian pawisa an lo siam tihna a ni. Kan video upload atang hian pawisa an lo siam zawk tihna a ni. T Melody a nih loh pawhin anmahni label.

t melody video thar 1

4. Internet khawvel

Mi upload pawh nise mahnia siamthat, siam danglam leha upload hi internet khawvel a ni. Mizo zingah internet a vantlang telh telh a hetiang hi a la tam dawn chauh. Mizo videos internetah kan la hmu dawn chauh tihna a ni. A tha e kan tihna ni lovin a nih dan reng a ni a, a la ni zel dawn.

——————————

Video hi kan tan hlawkna a awm lo kan tih kha, lak thlak kan tum deuh a mahse anmahni tan zawk exposure a tha ang chu tih avanga la thla har chauh kan ni.

A chunga kan tarlante khi tan nei lo chuan enchiang se an duh lo chunga tidarh tum kan ni lo tih chu a lang chiang hle.

  1. Video hi Youtube a release sa a ni. Mi la hmuh loh video engmah kan tidarh lo.
  2. Hlawkna kan nei lo, a hlawk chu anmahni zawk.

Hei hi kan thiam kan tihna a ni lo, phalna tel lova upload theih loh tih pawh kan hre lo, mahse phalna tel lova upload kha chu kan mawh a ni e.

An album tharah T Melody duhsakna sang ber kan hlan.

Post dang inang

Comments 6

  1. BBoy

    in video ah khan original uploader te kha credit in pe bawk si lo a.. Chutah, All Mizo channel logo kha a chuang kuau mai bawk si a, a zialo ve deuh a alawm le. Mi video in upload leh duh anih chuan roginal uploader te credit pe ula, tin nangmahni ta ni awm taka All mizo logo lo lang kha ti lang tel lo ta bawk ula a fuh lo maw.

    1. Hrang Zahawma

      Ni e I sawi chu a dik tho mai.

      Amaherawhchu credit pek leh pek lovin eng a thlak danglam ka ring hauh lo. Amah LNSA ngei pawh khan an label-in an lo monetize tih a hriat pawh ka ring lo – a thu rawn ziah dan kha an sum siam tlem leh he video lo upload inkungkaih angin a rawn ziak a (All Mizo tarlangin), mahse a nih loh thu a ni ka rawn ziak chhuak a ni e.

Leave a Reply

Your email address will not be published. Required fields are marked *