Google Hman Dan Kimchang

Hrang ZahawmaZirnaLeave a Comment

Google Hman Dan Pic

Google hmang lo kan awm lova mahse I duh ang chiah zawnnan I hmang thiam em? Hman thiam chuan Google hi thiltithei tak mai a ni a I duh ang chiah chiah I zawntir theih rualin I duh loh I zawnloh tir thei bawk.

Google hi thiltithei tak ni mahse mi tamzawk chuan a power an hmang thiam lo. Nitina I motor khalh thin khan a ruka tihchakna power I hriat miah loh a nei ang vel a ni.

Google hman dan chi hrang hrang kan hriattir ang che. Awlai takin lang mahse he guide ami I hriat vek chuan mi tamtak aiin Google I hmang thiam tawh zawk ang.

Thupuite

1. Zawn Dan Chipchiar
2. Hmanna Nepnawi Dang
3. Khaikhawmna

Google Hman Dan Kimchang

A. Zawn Dan Chipchiar

  1. “”
  2. Site:
  3. Related:
  4. Filetype:
  5. ..
1.” “

Google Hman Dan QuoteQuotation (“”) hi zawnna tangkai ber zinga mi a ni.

I thu chhut chiah chiah zawnna a ni a, quote (“”) chhunga I thuziah ang chiah chiah chu a zawng ang.

2. Site:

Google Hman Dan Sites

Zawnna tangkai leh tak mai chu Site: chhunga zawnna hi.

Site: zawha I website chhut chhungah chiah a zawng ang.

Website tamtakin zawnna tha an neih loh avangin Google hi zawnna tha tak a ni.

Example – site:sakeibaknei.com, site:misual.com, site:inkhel.com,

3. –

Google Hman Dan dash 1 Google Hman Dan dash 2

Google I zawntir tel duh loh chu a hmaah – I dah anga a tilang lovang.

Thlalaka mi ang khian -youtube tih ka telh hnuah Youtube a mi zawng a tilang tawh lo.

Engpawh zawntir I duh loh phawt chu a telh vek theih.

Example: -movie, -[website], -music, -pdf, -video.

4. Related:

Google Hman Dan Related

Site inang dang zawnna. Site I duh deuh nena inang dang I zawn duh chuan a tangkai reuh khawp mai.

5. Filetype:

Google Hman Dan Filetype

Filetype (jpg, mp3, pdf, etc) I duh zawnna. Google-in I duh ang filetype a hmuh apiang result a tilang ang.

Example – filetype: pdf, filetype: jpg

6. ..

Google Hman Dan Dotdot

Number pahnih inkar zawnna.

Kum (date), man (price), tehna (measurement) pawh a ni thei.

Example – dslr $300..$500, film 1995..2006

B. Hmanna Nepnawi Dang

1. Weather – Sik leh Sa

Google Hman Dan Weather

Khawi hmunah pawh (Google-in a khaw hming a hriat chuan) an nikhua awm dan a zawn theih.

2. Time – Hun

Google Hman Dan Time

Khawi hmunah pawh an dar zat (hun) I hriat duh chuan time [khua] chhu mai rawh.

3. Team

Google Hman Dan Team 1

Google Hman Dan Team 2

A team hming I zawnin I inkhel pawlte score leh an fixture pawh awlsam takin a hmuh theih.

4. Calculator

Google Hman Dan Calculator

Chhiarkawp (belh, paih, puntir, divide, etc.) tihna awlsam tak mai calculator pawh a ni nghal.

5. Conversion – Lehna

Google Hman Dan Conversion 1

Google Hman Dan Conversion 2

Thil pakhat atangin adanga lehna tha tak mai a ni.

Example – Kg to lb, Km to miles, Rs to dollars.

6. Dictionary

Google Hman Dan Dictionary

Tawng thumal I hriat mai loh I zawn duh chuan define [Thumal] hmangin zawng mai rawh.

Dictionary hi Google a tangkai em em mai leh ka hman zin ber zinga mi a ni.

7. Translate – Tawng Letling

Google Hman Dan Translate

Tawng lehlinna tha leh awlsam em em mai a ni bawk.

Hnam tawng lar deuh (English, Spanish, French, Chinese, Hindi,etc) chu a zawn theih deuh vek. English kher a ngai lo.

Example – Goodnight in French, Namaste in Spanish.

Khaikhawmna

Google hman dan chipchiar thawkhat chu ni mahse a hman dan zawng zawng tarlan a ni lova, tarlan bak hman dan thahnem tak pawh a la awm cheu (a thar pawh an siam zel ang). Mahse tamtak chu an pawimawh lova tuna hman dan tarlante pawh hi thlei chhuah an ni tawh hlawm.

Kan tarlan zingah hman zin I nei anga hman miah loh te pawh I nei thei. Vawilehkhatah chuan I hre nghal vek dawn lova I hman zin leh I hmang thiam tial tial ang. A power tak tak chu han tem ve teh le.

Share this Post

SAKEIBAKNEI list a tel ve turin a hnuaiah hian I email chhu lut rawh. Thil tha leh pawimawh apiang kan rawn email ang.

Post dang inang

Leave a Reply

Your email address will not be published. Required fields are marked *