Fiamthu Tawi 5

Hrang ZahawmaFiamthuLeave a Comment

Fiamthu Tawi 5
Fiamthu Tawi 5Fiamthu Tawi 5
  1. A nula rim kha apa an strick mai mai asin zan dar 10 velah sitting room a pangpar lem an khawi kha tui a ron pe vel.
  2. Sa chang turin a kal chu a fimkhur mai mai, an kawngkhar a pel chiah dingdihlipin a kal tan vel.
  3. Nuih kha an duh mai mai khawpa…A tawngtai pah te khan “Lalpa en teh vawiina Maremi karfull pawp khawpa a tawlhthlu chu hmu ve la e…” a tia, a nui khur char char.
  4. Thaibawih pakhat pawh a nupui a awmlo emaw a tia pawr deuhin LALMUANPUII ati vin tuar a…an nu a va hmu leh phut sia zawi sup in “dam reng rawh se…” an tiah…
  5. Pa phunchiar ve tak mai pakhat hi ruai theh dawnah tawngtai turin an sawm a, “Lalpa hei, sa hlang hlakin ruai kan theh dawn emaw tih nak alaiin maipawl an lo thlak pek a. Maipawl thlang lova vawk thau hlir kan thlan thiam theih nan ringtute hi mitvarna min pe ang che!”
  6. A kawng shortcut hriat kha an hnai awm mai mai asin, kawng pangngaia kal chuan ni thum kal ania, a shortcut hriat atang chuan midum nihliapin a hawlh phak!
  7. Lunglen hmel tawkin an choka ah a tingtang nen a zai rût rût a. Minute 10 velah a reh ta vang vang mai, a pa ngaih ţhalo kawngka awng aţangin ava bih thla chu ngawi rengin tingtang chhungah buhfai a lo thun mial mial.
  8. Chaw ei khamah nula khan pudding a rawn sem dan dan a “Pudding i duh em?” a tih chu ani chuan “Min hai aniang! Dinga ka nilo… Sapchharliana ka nia, khuuutah, Vaivakawn ami!”
  9. Pa tawkin zunin kawngkhar a nam hawng țhuai a! A hnu lawkah a rawn tap chhuak truau.. Engatinge? …Ka zip hnan…
  10. Pa berin thleng a sil lai takin a thiante an rawn leng thut! A zak ve deuh sia “Chhungkaw nu ber damlo hi chu a buaithlak em mai” an ti ve zeih a, a nupui kuhva ei suam suam paha cigarette zuk pah in, “Sil mai mai teh..I daw zep zuap” a lo tiah.
  11. A scooter ţawng tawkin a bialnu a lenpui ve ringawt a, kawng chhe laiah a tlanpui boh boh laiin a bung ta hmawk mai! A hawi vual vual a, “Duat, a hmalam nge i put duh a hnunglam..?” an tiah.
  12. Pitar pakhat pawh kha serthlum lei turin a chhuak a, KS ho hi YMA in an lo ding tlar tir a. Pitar chuan serthlum lei tur emaw a tia a lo intlar ve ringawt.
  13. A ramvahnaah Savawm muhil lai a hmu thut! A hreipui bah chu la thla vatin thawm dim tawkin a pan phei threm threm…Awm hmun siam remin zakkha nam huk khawpa zak kauin Savawm chu cheh hlum a tum, a hreipui na tawka avai laiin a chung lama ram hruiin a hreiah tak alo bat.. A savawm cheh hlum tum kha an chum teih maiah….Awiii… a pawi tawp!
  14. A inla setanic ve a, Bible a hal ngam chiah si lo, Kristian tlangau bu te an hal ah.
  15. Rui tawkin a haw a, an nuin thinrim eng phiarin a lo an khum bawrh bawrh a…A tihngaihna hrelo chuan “A harhfim zawk hian engatinge buaina siam hi i lo tum ziah, a rui zawk poh ka ngawih mai mai hi” an tiah.

A hnuaia mite hi Lengzem.info[awm tawhlo] atangin

RAWNGBAWLTU TAK TAK
Pastor pakhat vanram kal hi in chhe deuh mai an lo pe a, a hmelhriat taxi driver rui thei deuh mai leh lirthei khalh duhdah thei deuh mai chu in tha deuh an pe si a, lungawi lohna thu a thlen ta a.

An chhanna chu: Lei lama in thiltihin mite Pathian a hnaihtir dan a zirin vanah lawmman kan pe a ni. Nang chu i sermon apiangin mite an mutthlu a. Ani hi chuan taxi a khalh apiangin a sut palh hlauvin miten Pathian an au thin a…!

AWL
An MCS written exam zawhna kha a ho ve awm a sin:
Zoram Ngaih Hla atang hian telephone bu tangkainate sawi la, khaw hrang hrang hming leh mihring awm zat sawi bawk teh…!

OFFICE HNA
Secretary atana interview nula pakhat hi a talent an zawt a. Nula chuan crossword thai leh hawrawp remdikah lawmman a lâk thu a sawi a.
“A! Office hun chhunga thil tih chungchang a ni kan zawh che”
“Aw! Crossword leh remdik chu office hun chhunga ka tih vek alawm!”

SAPTAWNG LINGLET
Die Another Day = I sam chu ni dangah dum mai rawh.
Baby One More Time = Vawi khat tal han nausen tha leh ila awwww…
Tomorrow Never Dies = Naktukah chuan i la thi mai lovang.
The World is Not Enough = I la khawvel tawk lo deuh.

HRE SUAL
An driver kha an tir chhuak a, “Extra Premium litre 30 rawn lei rawh,” a ti a.
A rawn lei… Primer litre 30!!!

INMIL LO
Mihring: Kum maktaduai khat hi i tan engtia rei nge?
Pathian: Second khat ang vel
Mihring: A nih, cheng maktaduai khat hi i tan eng zata tam nge?
Pathian: Cheng khat
Mihring: Chuti cheng khat min lo pe.
Pathian: Second khat lek lo nghak ta che!

Share this Post

SAKEIBAKNEI list a tel ve turin a hnuaiah hian I email chhu lut rawh. Thil tha leh pawimawh apiang kan rawn email ang.

Post dang inang

Leave a Reply

Your email address will not be published. Required fields are marked *