Midang An Hlim Bik Lo, An Hlim Der

Zakzum HmelthaNunnaLeave a Comment

Midang An Hlim Bik Lo Thlalak

Khual Post: Zakzum Hmeltha

He post hi post lian zawk Kawppui I Neih Loh Chhan – Hmeichhia, Mahni Inthlak, Nunna Awmzia atanga thur chhuah a ni.


 Midang An Hlim Bik Lo, An Hlim DerMidang An Hlim Bik Lo Thlalak

Thawnthu phuahchawp mi zawng zawngin mak tak maia an awih tlat mai chu: anmahni ni lo midang zawng an hlim, nuam an ti, hringnun nuam takin an chen, nang ve chu, nangmah chauhin, hrehawm I tuar bik. Midang zawng chu pawnah an leng a, mipat-hmeichhiatna (sex) hmangin, nang erawh chu porn (bluefilm) I lungawipui a ngai thung.

Heihi a dik lo. Mi tam zawk chu I dinhmun ang chiaha awm ve tho an ni. Mi tamtak ‘inkawp ropui’ I hmuhte hi? A tam zawk chu mahnia awm hlaute an ni a, chuvangin an chhuak a, a mi remchang hmasa an kawp a. Midang thenkhat chapona erawh hi chu ‘dawt’ a ni.

Thuruk lian tak mai chu mi hlimte hi an landan angin an hlim lo. An buaina lian zawk hliah khuhna atan hlim hmel takin an inphochhuak. Mahse engtin nge I tih? Mi ‘hlim’-te hi I hmu a, an chungah I hlim loh phah a! I rilruin anchhia I lawh a, nangmah leh nangmah I intihrehawm phah a, hriat pawh an hre der si lo che a.

I ngaihtuah a, “Hlim chu a nuam awm. Nu leh pa tha karah an piang bik a, seilenna hmun thaah. Anmahni ang ni ve ila. An seilennaah seilian ve ila.”

I ngaihtuah a, “Thatna lai ka ngah nen. Engatinge midangin an hmuh ve theih loh?” Midangin an hmuh theih loh chhan chu anmahni an inngaihtuah buai vang a ni. Hmeichhiain an ngaihsak lo che a ni lo; anmahni inngaihtuaha an buai lutuk vang a ni zawk. Nula chhelo deuh I chhuahpui chuan, a chetdan, amah I ngaihdanin a rilru a luahkhat ang.

Hringnun chu nun tur a ni, nghet taka chelh tur, I hringnun chu nangmah chiahin a awmzia I pe thei. Tudang mahin a awmzia an sawi fiah sak thei lo che, I nu leh pa, I thiante, internet a mi, tumahin.

Share this Post

SAKEIBAKNEI list a tel ve turin a hnuaiah hian I email chhu lut rawh. Thil tha leh pawimawh apiang kan rawn email ang.

Post dang inang

Leave a Reply

Your email address will not be published. Required fields are marked *