Fiamthu Tawi 1

Hrang ZahawmaFiamthuLeave a Comment

Mizo fiamthu tawi

A hrisel lo si a, a thikthu chhe bok sia…A bialpa in a phone call a chhang thei lo a, an kaih ringawtah….

Mizo fiamthu tawi

Fiamthu Tawi 1


FOOTBALL
Pa 1: Ka pi I tupa chuan football a lo khel thiam hle a ni maw?
Pitar: Nia! Tunhma chuan goal an ventir thin a.
Pa 1: Tunah eng nge a khelh tak?
Pitar: Keeper-ah ka kaisang a tia lawm!

JOSEFA
A fate awih mut nan Josefa thawnthu a hrilh a.
“Potiphara nupui chuan, ‘Min mutpui rawh’ a ti a”
A nih ang chiaha a sawi zel chuan a fate chuan an hrethiam dawn lovin a hria a.
“Josefa chuan, ‘Ka mut a chhuak lo’ a ti a … !” – 9615952xxx

HAIHAWT – I
“Min hre tawh na nge? I tlangval lai pawhin min ngaizawng a, min neih te pawh i tum kha?”
“Chu…kan innei ta em?

HAIHAWT – II
Current a thim thut a, pa ber chuan torch light-in in chhung chu a chhun eng kual pup pup a.
Fanu: Ka pa eng nge i zawn a?
Pa: Ka torch light!

PUT!
A ngaihzawng a rim a. A kuah dawn lai takin hmeichhia chu a vawih palh ta mai.
Hmeichhe zak lutuk chu pawnah a tlan chhuak.
A um zui a, a va kuah.
“Bawihte, nang leh kei hi putin min then suh se … !” – 98629240xxx

PIT!
Thiandun hian sava an veh a. Pakhat zawkin sava rah tlan a tin vang vang lai chuan a thianpa chuan …
“I vawih elo?”
Mihring tawng ri a hriat veleh sava chu a thlawk ta a,
“Nangmah vang vek! Nang leh kei leh sava chiah kan awm a, sava chu a vawih lo chiang a. I vawih loh chuan ka vawih a ni mai lawm! Inzawh kher a ngai hlei nem!” 8575887xxx

HAW THUT
An fanu chuan mi feh reh hlanin inah tlangval a lo tawmpui a. A nu leh pate feh haw chuan an rawn phawk ta mai.
“Engtizia nge tlangval i lo tawmpui mai le?”
“In lo haw thut dawn tih sawi hek lo che u!” – 9774264xxx

Thulakna: Akhinoam Lengzem Chanchinbu


♦ Ralna a pe dawn a, a tawngkam a thiamlo ve khawpa…pek pahin, “Kha in thih man”, “I va ti lawmawm ve” an tia, “Nangni zawk a lawm tilawmawm” an tiah

♦ Sipaiah a intlar ve a…medical ah a tla leh sia…thinrim tawkin kekawr pawh chhoh nawk nawk pahin “in hmuh chak vang mai mai” an tiah!

♦ Electric ban nghengin fiamthu a lo chhiar a, amahin a lo nui khur chur chur a, current in a man emaw an tia, mau rovin an hawlh hrep asin le

♦ Coat suit a nei lian lutuk a, inkhawmnaah Halleluiah, tih pahin a ban a phar ve vak a, a lu a pil daih asin le

♦ Kohhran upa pakhat pawh kha bial afang ve a, in pakhat aluhnaah puitling film an lo en a…e khai…e khai…khai a tiin a en tawp pui ve thaks…

♦ Faka: Thianpa I bialnu chu a va hmelche em em ve!

Thuama: I en rei lutuk a niang chu. ei pawn ka en rei ngai hleinem

♦ An khaw thenawm an khua aia khawlianah khan inkhelin an va kal a, pali zet mai kha zawn haw ngaiin an awm a, an thinrim mai mai khawpa a thlen zanin an committee nghal chuk chuk a, lehkha an ziak nghal a…
‘Kan khuaah tournament kan siam dawna a tam thei ang ber lo kal ang che u, tiang rawn keng ula ball chu ken a ngai lo ang’…tiin an han ziaka

♦ Nula luck lo ve deuh pakhat pawh hian chhuata let tup tup chungin, “Awi! Ui nih ka va chak em! Hmeltha leh tha lo pawh an sawi si lo, a pa hian a nu hi an pan hut hut mai si,” a ti vel!!

♦ Biakin-ah a bula thu a thianpa hnenah khan ka va zung lok ang a tia…a tho chiah a thianpa chuan ring tawkin, “Ka haw dawn” an ti thut mai chuh…a ding laklawh tawh bawk si, ama au emaw tiin inkhawm ho zawng zawnga lam an lo hawi suau, hnek hrep chu a chak, inhnekna hmun ani si lo…thut leh a tihchi tawh siloh, a chhuah dawn in a ni thei tawh bawk si lo…che lai ve khawp mai…

♦ An kohhran kha an ho mai mai asin, an gate kawngka pawn lamah “Hawh u, Lalpa inah I kal ang u” tih an ziak a. Chhung lamah “Hawh u, I haw leh tawh ang” tih an han ziak leh kher ah!

♦ Kawrtethawveng nula kha khawmpuinaah a zai dawn a, chairman khan, “Tunah kawrte nula thawveng I lo sawm ang u” an timai chu, a zai tum hman mai.

♦ Pitar thi a ral ve a, a tunu hnenah khan “Mami, I pi chu kum engzah nge a nih hman a?”
Nula: Kum 99
A ngawi vung vung a, “Ehee…a va dam chhuak teuh ve a…”an ti ve ngawt pek a.

♦ Pa hnial hrat deuh hian silai a pu a, kawng a chhuk si a..a hnunga kalte kha a silai dawt khan a tin sa to mai a. A hnung chiaha kal an thenawm nu chuan, “I silai chu chhukah a va hlauhawm ve” a ti dek dek a…ani chuan, “Engvangin nge nang a chhu chu ka rawn kah ang le..kah tur dang a tam lutuk” a lo ti hram

Whatsapp message atanga inthawn kual fiamthute an ni e.

Share this Post

SAKEIBAKNEI list a tel ve turin a hnuaiah hian I email chhu lut rawh. Thil tha leh pawimawh apiang kan rawn email ang.

Post dang inang

Leave a Reply

Your email address will not be published. Required fields are marked *