Mizostore Atanga Hla Lei leh Download Dan

Hrang ZahawmaVideo, Zirna2 Comments

Mizostore Logo

Mizostore Logo Big

Mizostore website hi zaithiamte phalna nen thlapa online a Mizo music leina a ni a, Mizo website a dang ang a la awm lo.

Khawvel pum huap, ram dang atang pawha Mizo hla lei theihna a nih angin hmasawnna tha tak a ni. A that rual rualin hmasawn lehzel theihna pawh a la awm.

Mizostore Thatna

1) A that em em na chu hla I lei tawh kha engtik hunah, khawi hmun atang pawhin I download thei reng (I leina account hmangin).

2) Tunlai album chhuak thar pawh an rawn dah.

3) India rama chhunga awm lo pawhin an lei thei.

4) An website design a fai a, hman a nuam.

Mizostore Tlakchhamna

1) Tunah rih chuan a site a la naupang hle a, hla thlan tur pawh an nei tam lo hle.

2) Lei a harsa

Mizostore siamtute hnena thuchah: Tih him in tum lutuk na lamah lei in ti har khawp mai. Khawvela online dawr lian ber Amazon pawhin customer hloh loh nan 1-Click Ordering an nei a, phone a confirm lehzel ngai hi chu a buaithlak leh lutuk deuh.

3) International (India rawm pawna awm) tan a to – Album a zirin a man a inang lo hlawm (USD a chhutin). Mahse a tlangpuiin India pawisa thleng man rate nen ngaihtuah chuan (ngaihtuah loh theih loh) a man a inthlau lutuk.

Mizostore Atanga Hla Lei leh Download Dan

A website atanga hla lei hi harsa lutuk chu a ni lo nain mitamtak chinchang hre lo tan chuan a awl miah lo thung.

Mizostore hla lei dan zawhna fb

A Lei Dan Video (Minute 3)

Note: Video hi entirna a ni a, a tawpah Andrew Laltlankima album Aw Ropui Ber ni lovin Triau Trackx album (ka lei sa) a lang chhan pawh.

https://www.youtube.com/watch?v=jUfCQejbh7E

Thuziak leh Thlalakin a Lei Dan

1. Account siam rawh – Register

2. I siam tawh chuan ‘Login’ rawh

3. I hla duh album kha thlang la, Cart ah dah rawh

4. Checkout turin ‘View Cart’ hmet la

5. CCAvenue (India ram chhunga awm tan), emaw
Paypal International (India rampawn – Paypal account a ngai)

6. I bank card information (hming leh address), Phone number (a dik ngei a pawimawh), Email ziak thla la.

7. Leina tur bank card thlang la(Credit nge Debit, etc) – number, expire, cvv (card lehlam panga number 3 kha) chhu lut rawh.

8. ‘Make Payment’ hmet la, page tharah ‘One-Time Password’ an zawk ang che – heihi I phone number peka number an rawn thawn che kha a ni.

9. I lei ta tih phek I hmu ang. Dashboard ah lutin ‘Purchase’ atangin I lei apiang a download theih tawh ang.

Share this Post

SAKEIBAKNEI list a tel ve turin a hnuaiah hian I email chhu lut rawh. Thil tha leh pawimawh apiang kan rawn email ang.

Post dang inang

Comments 2

Leave a Reply

Your email address will not be published. Required fields are marked *