Tunlai Boruak

Hrang ZahawmaNunnaLeave a Comment

Tlai Ni Khua

Thil hlu leh manhla nei tur chuan kawng awl a awm lo. I lu-ah chhu lut rawh.

Internet leh a chhehvel sumdawng hovin ni 1 hnua cher dan damdawi, ni 3 chhunga hausak dan an ti thul. Hei hi hria ang che: Dawt Vek.

He course emaw he lehkhabu hi lei la, I duh duhna hmunah awmin I khawsa thei ang an ti a. A course emaw lehkhabu hralhna atang chiaha eizawng an ni hlawm. A hretu tan chuan a nuihzatthlak angreng.

Thil hlu leh manhla nei tur chuan kawng awl a awm lo.

Awl ni se mi zawng zawng an pian nalhin an cher vek ang chu.

Tunlai kan khawvel chenna hi a rang leh awlsam thei ang ber (internet, hnathawh, phone, etc) kawng kan zawng reng a. ‘Hmanlai’ a hnathawh taimakna leh tumruhna kan hloh zel bawk. Ni khata darkar tam tak lehkhazir, hnathawh aiin ‘hack’ leh ‘shortcut’ zawn kan peh zawk a.

Hemi vang hian thiam tak tak nei lo, hnathawh thatchhia, leh inchhungah nilenga internet (Facebook, Instagram, Whatsapp, etc) buaipui generation kan lo ni ta. Internet hi hman thiam chuan eizawnna, zirna, finna, atana kan hmanrua neih tha ber a ni. Kan pi pute neih ngai miah loh.

Kan khawvel hi danglam tawh viauin hre mah ila, hmana thuthlung kha a la dang chuang lo tih hriat a pawimawh.

Hnathawh taimak, tumruh, leh dawhtheih tluk a awm lo. He khawvel thiamna leh thiltihtheihnain engkim a hlan thei lo che. A thei a tih che pawhin bumna mai a ni.

I hun a liam zel. Darkar, ni, thla leh kum telin. I hriat loh chhungin mi thiltih I buaipuia I vir mai mai laiin I kum a lo upa chho zel. I tum kawng chu zawh la, harsatna lakah beidawng mai suh. I chhel man a nih loh pawhin I thatchhiat man rah chu I la seng dawn si a.

Post dang inang

Leave a Reply

Your email address will not be published. Required fields are marked *