Mimi Renthlei

Hrang ZahawmaZaithiamLeave a Comment

mimi renthlei thlalak 1

Photos from Mimi Renthlei public profile page

Mizo Lengzem Zaithiam Mimi Renthlei. Mizo Idol 2015 ah khan judge pathum zinga mi a ni bawk.

Find Mimi Renthlei at:
Facebook

1. Nail polish ka hnawih ve ngai lo.

2. Ka zin dawn reng reng hian ‘Mango pants’ hi ka keng tel ngei ngei thin.

3. Color-ah chuan ‘Red’ [Sen] hi ka duh ber.

4. Zan-a Aizawl khawpui eng uar mai thlir hi nuam ka ti.

5. Ka beng khawih hi ka sim thei lo.

6. Thurawn ka la dawn that ber chu, ka Ni hnen atangin a ni a, “Nu leh pa thu chu mittui tla zawih zawih paw’n awih tur”.

7. Tarmit vuah lo chuan lehkha chhiar har ka ti.

8. Lirthei dah phal lohna hmuna ka dah vangin traffic police-in min man tawh.

9. Ramhuai chanchin sawi hian ka dawihzep hle a, ngaithla châk ber ber e ti lo khan ka ngaithla zo ngam ngai lo.

10. Ka haihawt lutuk a, mobile phone, ATM card leh thil dang dang tihbo leh awmna chin hriat tawh loh ka ngah mai.

11. Inngaihzawnnaah hian dawt sawi hi thil tha lo ber a ni a, rinawmna erawh chu tawrh lo ngai pawh ni se, chhel taka min tawrhtirtu a ni thung [ka ti].

12. Ka pa hi ka ‘hero’ a ni a, ka nu hi ka chakna hnâr a ni.

13. Tunlaia zawhna ka dawn thin, min tihrehawm deuh chu, ‘I va cher ve, ngatinge?”.

14. Hmeichhe thian aiin mipa thian ka ngah zawk.

15. Mi hi ka ring hmâ thei em em a, ramri an pel erawh chuan ka ti thei thak tawh lo.

16. Footballer ka duh ber chu, Rio Ferdinand a ni a, Manchester [United] fan ka ni.

17. Nitina lawmthu ka hrilh awmchhun chu Pathian a ni.

18. Pangparah chuan Rose hi ka duh ber.

19. Thil pek ka dawn tawha ka la hlut ber chu Graduation lawmpuinana ka pa’n ‘Sana’ min pek kha a ni. Chuta thuziak chu a hlu lehzual, “Hun ngaipawimawh la, vawng dik rawh”.

20. Zawhte leh Ar hi ka ngaina vak lo. Ka naupan laiin Ar-in min lim hrep tawh a!

21. Boyband lar lai khan Backstreet Boys fan ka ni a. Nick Carter-a nupui duh tak ni turin ka lo insuangtuah ve nasa thei hle thin.

22. Thei-ah chuan Serthlum hi ka duh ber.

23.Fashion-ah hian Jeans an lo siam chhuak hi a la fuh berin ka hria a, a tam thei ang bera neih ka duh. Min lei sak duh an awm phei chuan engtik lai paw’n ‘Welcome’!

24. Naupangte ka nih lai chuan ka pa thiante hian ‘Vivica’ tiin hminglem min phuah sak thin.

25. Ka ke atanga ka chhip thleng enfiahin, mark pek ni ta se, 10-ah pathum (3) hmuh ka inring.

Zorimawi Blog, September 2010

Music

Album: Lunglen

  1. Lunglen (Album Version)
  2. Kar Hla Di
  3. A Nem Mahna
  4. A Rem Tawhlo
  5. Biahthu
  6. Dawn Lo
  7. Duhaisam
  8. Hlim Zan
  9. Hmangaih Vangin
  10. Ka Thlang Tawh Che
  11. Lai Zun
  12. Lo Hrethiam Hram Rawh
  13. Lunglen (Video Version)
  14. One Way (English)
  15. Said and Done (English)
  16. Tawrhthiam a Har
  17. Tunge Ruati I Ngaihzawng
  18. Abba Medley (ft. Mami Varte)

Album Download: Mimi Renthlei – Lunglen Album Download

Share this Post

Post dang inang

Leave a Reply

Your email address will not be published. Required fields are marked *