Motor (Car) a Kawl Tur Pawimawh

Hrang ZahawmaZirnaLeave a Comment

Motora kawl tur

I motor ah enge I kawl? Dan in lehkha pawimawh kawltur a tih te I hria em? (I hriatloh chuan chhiar zel rawh).

Chhiatni thleng se I inpuahchah lawk em?

Motor I khalh thin a nih chuan hmanrua tangkai, hnawk si lo pai a pawimawh.

Hnawk ka ngai theilo. A tul mamawh bak lo bungrua neih teuh ka tihzawng a ni lo. Chutichung chuan hmanrua pawimawh chu ka kawl reng tho.

A zavaiin tul I ti lo a nih pawhin tha I tih ang tawk zelin. Thenkhat erawh hi chu kawl ngei ngei a tha.

1. Lehkha Pawimawh (Documents)

Motor a kawl tur lehkha pawimawh:

  1. Motor Manual – motor chungchang lehkhabu a chhawm thin kha. He lehkhabu hian I motor chungchang, siam dan tur, enkawl dan, etc. I motor bik chungchang chu a chuang vek.
  2. Insurance – Insurance I nei ngei a ni tih lehkha. I insurance in kawltur an pe ang che. A la nung em tih finfiah ang che. State tam zawkah chuan insurance kawl loh man traffic ticket pek phal a ni. Dan angin motorah kawl a ngai.
  3. Vehicle Registration – I motor license plate nena inzawm lehkha. I license plate tihtharna lehkha. Kum tin tih thar a ngai tlangpui. Dan angin motorah kawl a ngai.

Manual tih loh hi chu danin kawl ngei tur a ti. I lo kawl ngai lo a nih pawhin tun hnuah kawl tawh ang che. Police intihdin hunah a dil ngei ang le.

Kawl loh tur chu motor title – motor neitu nihna lehkha. I motor an ruk chuan a motor neihna lehkha an kawl tel vek dawn (zuarchhawn leh a ti awlsam).

2. Battery Jumper Cable

Battery Jumper cable hi kawl ngei ngei tur zinga mi a ni. I car battery a nun loh hunah I la lawm ang. Motor light off theihnghilh, amaha lo chhia te pawh hi thleng thei chawk ani. Hman a har lo bawk.

A tlawm ringawt zawng lovin a tha zawk lei a remhriat thlak. Cable in motor a zo lo a nih chuan a tinung lovang. Made in China tlawm tak hmantlak si lo ai chuan a man to zawk (lutuk chuang si lo) rilru him taka hman theih tur a duhawm.

Sei zawng (Length): Cable sei zawng hran hran a awm a. A lo berah 12 ft tal. 16ft tangkaina chu hmalam insik kher a ngailo. Thlalak atang hian a hmuh theih.

Chakna (Gauge): A gauge hniam hniam a chak a, motor a tinung rawng zawk bawk. 10 gauge hi a tlawm ber a, a tlaktlai lo ber bawk (tihnun theih loh chang a nei fo). Mi nawlpui tan chuan 8 gauge hi a tawk anga, duhthusamah chuan 6 gauge. 4 gauge hi chu motor lian tak (truck, semi-truck) I khalh a nih loh chuan a tul lemlo.

car jumper seizawngcar battery jumper gauge

Picture: Coleman Guide atangin

I lei theih chin I mamawh ang tawka I hriat lei la, 10 gauge aia chungchuang hi chu kawl a tha.

Link: Swift Start Jumper Cable 16 Ft 6 Gauge

3. Tire Jack leh Iron

A tlangpuiin motor in a chhawm nghal a. Motor hlui I lei a, a chhawm tel lo a nih chuan a dang lei vat rawh.

Jack leh a thir. Jack hi motor tikangtu a ni a. A thir hi a tire nut tithlawntu a ni thung.

4. Spare Tire

Kawnga I tlan laiin motor a tawp deuh thut a, a ke a ni maw I ti. Vanneihthlak takin a hnungah spare I lo nei hlauh. Jack leh thir hmangin a spare I vuah a, him takin dawrah I thlen pui theih phah a.

I spare tire kha a tha em, thli a awm em? tih khat tawka enfiah a tha.

Spare tire hi Highwayah chak tawka tlan pui tur a ni lo…Tire lian pangai spare a I hmang a nih loh chuan.

4. Flashlight

Kap eng thei chi. Tunlaiah phone hmangin flashlight a tih eng mai theih a, mahse a tur bika siam hi kawl reng reng a him.

Link: Flashlight phone battery charge theih nghal

5. First Aid Kit

Inhliam, pem, nangmah chauh lo midang tan pawh nise. A tam lutuk lua a ngai lova, ni chhiat ni changa kawl tur. Invenna thatak a ni. A khat emai tih a mamawh huna neih loh ai chuan mahni chauh lo midang tan pawha kawl atan tha tak a ni.

Nachhawkna, pumna, bandaid, a tam mai.

6. Reflective Triangle

Kawng sira din a tul hunah midangin I awm a ni tih an hriat theih nan sign engthei

Highwayah phei chuan motor chak tawkin an rawn tlan fua fua a, nun a derthawng thei hle.

7. Emergency Pawisa ($$$)

I motor khawi laiah emaw khan a tul em em emergency tan bika hman tur pawisa thukru rawh. A tam lua a ngai lo nain $20 tal. Ho hmel deuh si pawimawh deuh a ni.

Enge emaw changa a ngaih thut hun bik tea hman tur.

Hmanni lawk khan dawr ka kal wallet ka lo pai lo, pawisa ka lo dahtha lo chu hun leh gas ka seng thlawn. Inchhirawm ru riau.

8. Phone Charger

Phone charger hi chu engdang kan kawl lo a nih pawhin kan kawl deuh fur awm e.

Engvak sawi ngai lovin phone charger kawl ang che.

9. Tire pressure gauge

I motor keah thli a awm tha tawk em? A manual ah khan thli awmzat tur chu a inziak ang (A nih loh pawhin driver kawngkar hawnnaah).

Kar tin I motor keah thli a awm tha tawk em tih enfiah ang che. A bik takin thlasik (winter) hun laiin enfiah a pawimawh lehzual.

Link: Tire Pressure Gauge – $10

10. Tire Air Compressor

I motor ke thli thunna.

A hnawk lova a chang phei chuan motor ke thep a awmin I han vuah zeuh anga (ngah deuh a ngai thin) a spare vuah leh kher ngai lovin dawrah/inah a thlenpui thei ang che.

Chubakah mahniin duh hunah motor ke thli thunna atan a remchang em a ni.

Link: LifeLine AAA 300 PSI 12 Volt DC Air Compressor

11. Kutkawr

Kut lawnga khawih chakawm loh, thir rit chawi ngai ang lo ni ta se. Kut lawmnga khawih peih loh, kutsil a rem mai dawn loh hunah te ka hmang thin.

12. Hmanrua

Tlem azawng hmanrua. Hnawksak si lo, tangkai riau si thenkhat. Screwdriver chi hran, tuboh, pliers.

Kharna

Dik taka sawi chuan a zavaia kawl ngai ti chu kan ni hlawm lovang. Mahse hun lo thleng tur. Motor kan khalha kan chunga thleng thei kan lo tih kha hrerengin, a hun lo thleng hun kher innghah ai chuan lo inpuahchah sa hi a pawina a awm lo.

Post dang inang

Leave a Reply

Your email address will not be published. Required fields are marked *